دەپۋتات الەۋمەتتىك تولەمدەردى ءبىر كورسەتكىش بويىنشا ەسەپتەۋدى ۇسىنىپ وتىر.
«تاۋەلسىزدىك تابالدىرىعىندا ەنگىزىلگەن ايلىق ەسەپتىك كورسەتكىشتى (اەك) پايدالانۋ جالعاسىپ كەلەدى. ءيا, بۇل جوسپارلاۋعا ىڭعايلى بولار, بىراق اەك ەكونوميكاعا دا, جالاقىعا دا بايلانىستى ەمەس. سوندىقتان الداعى ۋاقىتتا الەۋمەتتىك تولەمدەردى ءبىر كورسەتكىش بويىنشا اۋدارۋدى ماقساتقا ساي دەپ سانايمىز. نە ەڭ تومەنگى كۇنكورىس, نە ەڭ تومەنگى جالاقى مولشەرى شاماسىندا», دەدى دەپۋتات ماجىلىستە وتكەن ۇكىمەت ساعاتىندا.
ول الەۋمەتتىك پارامەترلەردى ولشەۋدىڭ ادەكۆاتتى ادىستەمەلەرىنىڭ جوقتىعى دا الاڭداۋشىلىق تۋعىزاتىنىن اتاپ ءوتتى. وسىلايشا, نۇرمانبەتوۆانىڭ ايتۋىنشا, بيىلعى جىلدىڭ 10 ايىندا ازىق-ت ۇلىك ينفلياتسياسى شامامەن 20 پايىزعا جەتكەن.
«ياعني, زەينەتاقى مەن جاردەماقىنى ەسەپتەۋ ءۇشىن بەلگىلەنگەن ەڭ تومەنگى كۇنكورىس دەڭگەيى ەندى ازاماتتاردى ءتيىستى الەۋمەتتىك تولەمدەرمەن قامتاماسىز ەتۋگە مۇمكىندىك بەرمەيدى. سوندىقتان مينيسترلىككە ەڭ تومەنگى كۇنكورىس دەڭگەيىن ەسەپتەۋ ادىستەمەسىن جەتىلدىرۋ جۇمىستارىن باستاۋدى ۇسىنامىز», دەپ قورىتىندىلادى دەپۋتات.
ايتا كەتەيىك, «2022-2024 جىلدارعا ارنالعان رەسپۋبليكالىق بيۋدجەت تۋرالى» زاڭعا ەنگىزىلگەن تۇزەتۋلەرگە سايكەس, قازاقستان 2022 جىلى بىرقاتار ەسەپتىك كورسەتكىشتەردىڭ كولەمىن ۇلعايتتى.
