مامانداردىڭ ايتۋىنشا, بالالار مەرزىمىنەن بۇرىن 30-اپتاسىندا دۇنيەگە كەلگەن. سوندىقتان تۋعاننان كەيىن سابيلەرگە قارقىندى تەراپيا قاجەت بولىپتى. ال ءبىرىنشى كۇنى ولار رەانيماتسيا بولىمىندە قالعان,تەك ەكىنشى كۇنى عانا اناسىمەن بىرگە بولۋ ءۇشىن نەوناتولوگيا بولىمىنە اۋىستىرىلىپتى.
نەوناتالدىق قىزمەت باسشىسى تالعات تولىقباەۆتىڭ ايتۋىنشا, قازىر ۇشەمنىڭ ومىرىنە قاۋىپ ءتونىپ تۇرعان جوق, ولارعا ارنايى كۇتىم ۇيىمداستىرىلعان. اناسى نارەستەلەردى كۇتۋگە, ەمىزۋگە جانە شومىلۋعا ۇيرەتىلگەن. وسى ۋاقىت ىشىندە سابيلەر سالماق جينادى, ولاردىڭ ءال-اۋقاتى جاقساردى, سوندىقتان ولار ۇيگە شىعارىلادى.
ءبىر قىزىعى, بۇل وتباسىنىڭ 24 جانە 20 جاستاعى ەكى قىزدارى بار. الايدا ەرلى-زايىپتىلار ءۇيدى قۋانىشتى بالالار داۋىستارىمەن تولتىرۋدى اڭساپ, ەكستراكورپورالدى ۇرىقتاندىرۋ (ەكۇ) ادىسىنە جۇگىنگەن. تەك ءۇشىنشى رەتىندە عانا ايەل جۇكتى بولىپتى
