الماتى قالاسى اكىمدىگىنىڭ مادەنيەت باسقارماسى مەن قازاقستان جازۋشىلار وداعى «JAS QALAM» اتتى بالالار ادەبيەتىنىڭ ۇزدىك تۋىندىلارىنىڭ رەسپۋبليكالىق كونكۋرسىن جاريالايدى، دەپ حابارلايدى Egemen.kz.
2022 جىلدى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ «بالالار» جىلى دەپ مالىمدەگەنى بارشاعا بەلگىلى. بۇل رەتتە قوعامدا بالالار شىعارماشىلىعىنا كوڭىل ءبولىنۋ كەرەكتىگى، اتالعان باعىتتىڭ ەلىمىزدە كەنجە قالعانى تۋرالى پىكىرلەر بارشىلىق. ەلدىڭ تىرەگى، بولاشاعى – بۇگىنگى جاس ورەندەرىمىز ەكەنىن ەسكەرسەك، ادەبيەت بالالارىمىزدىڭ ساناسىنا ساۋلە شاشار نەگىزگى تاربيە قۇرالى ەكەنى ايدان انىق. ادەبيەت ارقىلى بالالاردىڭ وي-ءورىسى، قيالى قالىپتاسادى. ەرتەگى، ولەڭ سىندى ادەبيەت مارجاندارىمەن سۋسىنداپ وسكەن بالادان كەلەشەكتە مىقتى تۇلعالار شىعاتىنىن بولجاۋ قيىن ەمەس. ءبىزدىڭ تاريحىمىزدا وعان مىسال كوپ.
اتالعان بايقاۋ بالالار ادەبيەتىنە قالام تەربەۋگە مۇددەلى قالامگەرلەر قاتارىن كوبەيتۋ، ءارى بۇگىنگى ادەبيەتكە بالالار ادەبيەتى باعىتىنداعى جاڭا شىعارمالار لەگىن قوسۋ ماقساتىندا ۇيىمداستىرىلىپ وتىر. بۇل بايقاۋدى بيىلعى بالالار جىلى اياسىنداعى وزىق شارالاردىڭ ءبىرى دەپ اتاۋعا بولادى. كەلىپ تۇسكەن شىعارمالاردىڭ كىتاپ بولىپ جارىق كورەتىنىنەن بولەك بايقاۋدىڭ قوماقتى قارجىلاي جۇلدەسى ارقىلى جاس قالامگەرلەردىڭ شىعارماشىلىعىنا قولداۋ كورسەتۋ كوزدەلگەن.
بايقاۋعا شىعارمالار تومەندەگى ءۇش جانر بويىنشا قابىلدانادى:
- پروزا;
- پوەزيا;
- دراماتۋرگيا.
جۇلدەلەر ءار جانر بويىنشا:
ءى ورىن: 1 000 000 تەڭگە
ءىى ورىن: 800 000 تەڭگە
ءىىى ورىن: 500 000 تەڭگە
بايقاۋعا شىعارمالار 10 جەلتوقسانعا دەيىن عانا قابىلدانادى.
شىعارمالاردىڭ راسىمدەلۋىنە قويىلاتىن تالاپتار:
پروزا: 10 بەتتەن كەم ەمەس، ءپىشىنى: 14،Times New Roman قارپىمەن، 1 ينتەرۆال.
پوەزيا: 10 شۋماقتان كەم ەمەس، ءپىشىنى: 14، Times New Roman قارپىمەن، 1 ينتەرۆال.
دراماتۋرگيا: 15 بەتتەن كەم ەمەس، ءپىشىنى: 14، Times New Roman قارپىمەن، 1 ينتەرۆال.
بۇرىن جاريالانعان شىعارمالار قابىلدانبايدى.
بايقاۋعا قولىنان جازۋ كەلەتىن، 18-35 جاستاعى قازاقستان اۋماعىندا تۇراتىن كەز-كەلگەن قالامگەر قاتىسا الادى. سونىمەن قاتار ءار قاتىسۋشىدان تەك ءبىر عانا اتالىم بويىنشا شىعارما قابىلدانادى.
قاتىسۋشىلاردى ىرىكتەۋ كريتەريلەرى:
1. بايقاۋعا كومپيۋتەردە تەرىلگەن شىعارمالار قابىلدانادى. شىعارمالاردى قابىلداۋ ءۇشىن ءار قاتىسۋشى ءوزىنىڭ تولىق اتى-ءجونى، ءوزى تۋرالى تولىق ماعلۇمات (جاسى، بايلانىس ءنومىرى، تۇرعىلىقتى مەكەن-جايى، جۇمىس نەمەسە وقۋ ورنى،شىعارماشىلىق ءومىربايانى) ۇسىنىلعان قاتىسۋشى پاراعىن تولتىرىپ جىبەرۋى ءتيىس. (ەرەجەگە قوسىمشا №1 قاتىسۋشى پاراعى تىركەلگەن).
2. ساپالى ورىندالعان جۇمىستار عانا قابىلدانادى. (قولجازبالار بايقاۋعا جىبەرىلمەيدى).
3. كەلىپ تۇسكەن شىعارمالار ساراپتاما كەزەڭىنە نومىرلەنىپ ۇسىنىلادى. ياعني ساراپشىلار اۆتورعا ەمەس تەك شىعارماعا باعا بەرەدى.
ەسكەرەتىن جايت: قاتىسۋشى پاراعى جوق نەمەسە تولتىرىلماعان، شىعارمالارى بايقاۋ تالابىنا سايكەس كەلمەيتىن، بۇرىن جاريالانعان جۇمىستار بايقاۋدىڭ ساراپتامالىق كەزەڭىنە جىبەرىلمەيدى.
قاتىسۋشى پاراعى تولتىرىلعان، «بالالار بايقاۋىنا» دەگەن تاقىرىپ قويىلعان وتىنىمدەر baiqau2022@gmail.com ەلەكتروندى پوشتاسىندا قابىلدانادى.
ۇيىمداستىرۋشىلاردىڭ بايقاۋعا كەلىپ تۇسكەن شىعارمالاردى اۆتوردىڭ رۇقساتىنسىز، قالاماقىسىز بالالار ادەبيەتىن ناسيحاتتاۋ ماقساتىندا جاريالاۋعا جانە تاراتۋعا تولىق قۇقى بار.
اتىراۋدا بىرنەشە مەكتەپتىڭ وقۋشىلارى ونلاين وقيدى
قوعام • كەشە
پرەزيدەنت قاتار امىرىمەن تەلەفون ارقىلى سويلەستى
ساياسات • كەشە
اۋەجايدا شەكاراشىلار قوناقتاردى ەرەكشە كۇتىپ الدى
قوعام • كەشە
ۇقساس جاڭالىقتار
