تاعايىنداۋ • 02 جەلتوقسان، 2022

نۇرجان نۇرجىگىتوۆ جامبىل وبلىسىنىڭ اكىمى قىزمەتىندە قالدى

114 رەت كورسەتىلدى

مەملەكەت باسشىسىنىڭ جارلىعىمەن نۇرجان مولديار ۇلى نۇرجىگىتوۆ جامبىل وبلىسىنىڭ اكىمى لاۋازىمىنا قايتا تاعايىندالدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

«نۇرجان مولديار ۇلى نۇرجىگىتوۆ جامبىل وبلىسىنىڭ اكىمى لاۋازىمىنا تاعايىندالسىن»، دەلىنگەن حابارلامادا.

نۇرجان نۇرجىگىتوۆ 1967 جىلى دۇنيەگە كەلگەن، ءبىلىمى جوعارى. 1991 جىلى ەڭبەك قىزىل تۋ وردەندى لەنينگراد اۋىلشارۋاشىلىق ينستيتۋتىن «ينجەنەر-مەحانيك»، 2008 جىلى جامبىل گۋمانيتارلىق تەحنيكالىق ۋنيۆەرسيتەتىن «ەكونوميكا» ماماندىقتارى بويىنشا بىتىرگەن.

تەحنيكا عىلىمدارىنىڭ كانديداتى، قازاق ۇلتتىق اگرارلىق ۋنيۆەرسيتەتىنىڭ قۇرمەتتى پروفەسسورى. ەڭبەك جولىن 1991 جىلى جۋالى اۋدانى ماكسيم گوركي اتىنداعى كولحوزىندا مەحانيك بولىپ باستاعان.

ءار جىلدارى تولە بي اتىنداعى اگروبىرلەستىكتىڭ باس ينجەنەرى، جۋالى اۋدانى اكىمى اپپاراتىنىڭ مامانى، باس مامانى، ءبولىم مەڭگەرۋشىسى، جۋالى اۋدانى اكىمدىگىنىڭ كاسىپكەرلىك ءبولىمىنىڭ باسشىسى، جامبىل وبلىسى اكىمى اپپاراتىنىڭ باس ينسپەكتورى، ءبولىم مەڭگەرۋشىسى، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى باسشىسىنىڭ ورىنباسارى، باسقارما باسشىسى، جامبىل وبلىسى اكىمدىگىنىڭ اۋىل شارۋاشىلىعى باسقارماسىنىڭ باسشىسى، جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قىزمەتتەرىن اتقارعان. بايزاق اۋدانىنىڭ اكىمى بولعان.

2021 جىلدىڭ ءساۋىر ايىندا جامبىل وبلىسى اكىمىنىڭ ورىنباسارى قىزمەتىنە تاعايىندالدى.

سوڭعى جاڭالىقتار

ۇقساس جاڭالىقتار