وسى جولى كاسپي تەڭىزىنىڭ اكۆاتورياسىندا سۋدا زارداپ شەككەن ادامداردى ىزدەۋ جانە قۇتقارۋ بويىنشا جاتتىعۋ ءوتتى. بۇل جۇمىستارعا العاش رەت ۇشۋ قۇرامىن دايىنداۋ ماقساتىندا تجم قۇتقارۋ اۆياتسياسى جۇمىلدىرىلدى.
ماماندار شارتتى تۇردە زارداپ شەككەن ادامداردى اۋە كەمەسىنە كوتەرۋگە ماشىقتاندى. ۇشقىشتار تىكۇشاقتى اۋەگە كوتەرىپ, زارداپ شەككەن ادامداردى اۋە كەمەسىنە كوتەرۋ جۇمىستارىن جۇرگىزدى. وسى جۇمىستاردى اتقارۋ كەزىندە ولارعا بىرنەشە ونداعان مەتر بيىكتىكتە تىكۇشاقتى ۇستاپ تۇرۋ قاجەت بولدى.
جاتتىعۋعا قازاۆاياقۇتقارۋ ۇشۋ قۇرامى, جەدەل-قۇتقارۋ جاساعىنىڭ قۇتقارۋشىلارى, ماڭعىستاۋ وبلىسى تجد جەكە قۇرامى قاتىستى.
ۇشۋ قۇرامىن دايىنداۋ جۇمىستارى بارىسىندا قۇتقارۋ جۇمىستارىنىڭ كۇردەلى جانە ماڭىزدى ەلەمەنتتەرى پىسىقتالدى, اتاپ ايتقاندا:
- زارداپ شەككەن ادامدى سۋ بەتىنەن قۇتقارۋ جانە ەۆاكۋاتسيالاۋ, ەۆاكۋاتسيالانعان تىكۇشاقتىڭ تارتۋ قۇرىلعىسىن قولدانا وتىرىپ, بورتقا كوتەرۋ;
- زارداپ شەككەن ادامدى جاعالاۋداعى جەتۋى قيىن جەرلەردەن قۇتقارۋ جانە ەۆاكۋاتسيالاۋ;
- جەدەل-قۇتقارۋ جاساعىنىڭ قۇتقارۋشىلارىمەن ۇشۋ ەكيپاجىنىڭ جۇيەلى ءىس-قيمىلدارى.
جاتتىعۋ جوسپارىنا سايكەس تەڭىز اكۆاتوريىندە بولعان اۆاريا تۋرالى اقپارات كەلىپ ءتۇستى. زارداپ شەككەن ادامدار جاعالاۋ مەن تەڭىزدەن تابىلدى. ول جەرگە ەۆاكۋاتسيالاۋ جۇمىستارىن جۇرگىزۋگە تەحنيكانىڭ ءوتۋ مۇمكىندىگى بولماعاندىقتان, قۇتقارۋ اۆياتسياسىن جۇمىلدىرۋ قاجەت بولدى.
جاتتىعۋ جاقسى دايىندىقتى كورسەتتى جانە ادامداردى قۇتقارۋ ىسىندە وڭ ناتيجەلەرگە قول جەتكىزۋگە مۇمكىندىك بەرەدى.
