ءداستۇر بويىنشا كەزەكتى وقۋ كەزەڭى باستالار الدىندا اسكەري قىزمەتشىلەرگە سالتاناتتى جاعدايدا شتاتتىق قارۋ, بەكىتىلگەن جاۋىنگەرلىك تەحنيكا مەن قارۋ-جاراق تابىس ەتىلدى.
سونىمەن قاتار جەكە قۇرامعا قاۋىپسىزدىك شارالارى بويىنشا كەشەندى ساباقتار وتكىزىلدى. وندا قارۋ-جاراق پەن وق-دارىلەردى, ۋلى جانە جارىلعىش زاتتاردى پايدالانۋ قاعيدالارىنا, سونداي-اق شۇعىل مەديتسينالىق كومەك كورسەتۋ تارتىبىنە باستى نازار اۋدارىلدى.
العاشقى ساباق وتكەن جىلدىڭ قورىتىندىلارى شىعارىلىپ, جاڭا وقۋ جىلىنا مىندەتتەر قويىلعان مەملەكەتتىك-قۇقىقتىق دايىندىققا ارنالدى. قارۋلى كۇشتەر ءۇشىن مەملەكەت باسشىسىنىڭ تاپسىرمالارىن ودان ءارى ىسكە اسىرۋ باسىم باعىت بولىپ تابىلادى. ونىڭ ىشىندە اسكەري قاۋىپسىزدىكتىڭ وزەكتى قاتەرلەرىن ەسكەرە وتىرىپ, قارۋلى كۇشتەردىڭ قۇرىلىمى مەن قۇرامىن جاڭعىرتۋ, تسيفرلىق تاسىلدەر ارقىلى اسكەري باسقارۋ جۇيەسىن جەتىلدىرۋ, ارميانى قارۋ-جاراق پەن اسكەري تەحنيكانىڭ زاماناۋي جانە جوعارى تەحنولوگيالىق ۇلگىلەرىمەن قايتا جاراقتاندىرۋ, جاۋىنگەرلىك دايارلىققا اسكەرلەردى قولدانۋدىڭ جاڭا ادىستەرىن ەنگىزۋ, جەكە قۇرامنىڭ كاسىبي دەڭگەيىن ارتتىرۋ ماقساتىندا مەريتوكراتيا قاعيداتى نەگىزىندە اسكەري ءبىلىم بەرۋ مەن كادر ساياساتى جۇيەسىن دامىتۋ, اسكەري قىزمەتشىلەردىڭ الەۋمەتتىك مارتەبەسى, اسكەري قىزمەتتىڭ بەدەلى جانە جاستاردى اسكەري بورىشىن ورىنداۋعا ىنتالاندىرۋ كەڭىنەن قامتىلعان.
اسكەرلەردى دايارلاۋ جاۋىنگەرلىك جارىس تۇرىندە وتەدى. «قۋاتتى ارميا – جاڭا قازاقستان» ۇرانىمەن وتەتىن جاڭا وقۋ جىلى ارميا مەن حالىقتىڭ بىرلىگىن كورسەتەدى.
