قوعام • 02 جەلتوقسان، 2022

باقىتگۇل حامەنوۆا سوت ۇكىمىنە شاعىم ءتۇسىردى

115 رەت كورسەتىلدى

سوتتالعان باقىتگۇل حامەنوۆا سوت شەشىمىنە نارازىلىق ءبىلدىردى، دەپ حابارلايدى Egemen.kz.

اتىراۋ وبلىسى سوتىنىڭ ءباسپاسوز قىزمەتى حابارلاعانداي، باقىتگۇل حامەنوۆا مەن ونىڭ قورعاۋشى تاراپى اپەللياتسيالىق شاعىم بەرۋ ارقىلى ءبىرىنشى ساتىداعى سوتتىڭ شەشىمىنە نارازىلىق ءبىلدىردى.

ء«بىرىنشى ساتىداعى سوتقا حامەنوۆادان، ونىڭ ادۆوكاتى ۆرانچەۆتان اپەللياتسيالىق شاعىم ءتۇستى. بىراق ءىس ءالى القانىڭ قاراۋىنا تۇسكەن جوق»، دەپ حابارلادى اتىراۋ وبلىستىق سوتىنىڭ ءباسپاسوز قىزمەتى.

ەسكە سالايىق، 15 قاراشادا سوت اتىراۋ وبلىسى اكىمىنىڭ بۇرىنعى ورىنباسارىن پارا العانى ءۇشىن كىنالى دەپ تانىپ، جەتى جىلعا باس بوستاندىعىنان ايىرعان بولاتىن. سوتتالۋشىنىڭ جازا مەرزىمى باقىتگۇل حامەنوۆانىڭ كامەلەتكە تولماعان بالالارى بولۋىنا بايلانىستى ءۇش جىلعا كەيىنگە شەگەرىلدى.

ۇكىم جاريالانعان سوڭ، حامەنوۆا سوت زالىنان بوساتىلدى. ايتا كەتەيىك، ءىس تەرگەلىپ، سوت تەرگەۋى ءجۇرىپ جاتقان كەزدە وبلىس اكىمىنىڭ ەكس-ورىنباسارى قاماۋدا بولعان.

سوڭعى جاڭالىقتار

ۇقساس جاڭالىقتار