ەۋروپاداعى قاۋىپسىزدىك جانە ىنتىماقتاستىق ۇيىمىنا (ەقىۇ) قاتىسۋشى ەلدەردىڭ سىرتقى ساياسي ۆەدومستۆولارىنىڭ باسشىلارى لودز قالاسىندا (پولشا) ەقىۇ سىرتقى ىستەر مينيسترلەرى كەڭەسىنىڭ 29-شى وتىرىسىنا قاتىسۋ جانە ەۋرواتلانتيكالىق پەن ەۋرازيالىق كەڭىستىكتەگى سىن-قاتەرلەر مەن پروبلەمالاردى ۇيىمداستىرۋ ءۇشىن وزەكتى ماسەلەلەردى تالقىلاۋعا جينالدى.
وتىرىس بارىسىندا اعىمداعى جىلعى ۇيىم قىزمەتىنىڭ قورىتىندىلارى, وڭىرلىك قاۋىپسىزدىكتىڭ وزەكتى ماسەلەلەرى, قارۋلى قاقتىعىستاردىڭ الدىن الۋ جانە شەشۋ, راديكالدانۋعا, ەكسترەميزمگە جانە ترانسۇلتتىق قاتەرلەرگە قارسى كۇرەس, اقپاراتتىق جانە كوممۋنيكاتسيالىق تەحنولوگيالار قاۋىپسىزدىگى سالاسىنداعى ىنتىماقتاستىق جانە ت.ب. ماسەلەلەر تالقىلاندى.
قازاقستاندىق دەلەگاتسيانى پرەمەر-ءمينيستردىڭ ورىنباسارى – سىرتقى ىستەر ءمينيسترى مۇحتار تىلەۋبەردى باسقاردى. وتىرىسقا قاتىسۋشىلارعا جولداۋىندا ول پرەزيدەنت قاسىم-جومارت توقاەۆتىڭ ء«ادىل قازاقستاندى» قۇرۋعا جاريالاعان باعىتى شەڭبەرىندە ەلىمىزدەگى اۋقىمدى ساياسي جانە الەۋمەتتىك-ەكونوميكالىق رەفورمالار تۋرالى ايتتى. ەقىۇ-عا قاتىسۋشى 57 مەملەكەتتىڭ سىرتقى ىستەر مينيسترلەرىنىڭ نازارى ەلىمىزدەگى جۋىرداعى پرەزيدەنتتىك سايلاۋدىڭ قورىتىندىلارىنا اۋدارىلدى, ولار قازاقستاندىقتاردىڭ كوپشىلىگىنىڭ مەملەكەت باسشىسىنىڭ قايتا قۇرۋ باعىتىنا سەنىمدى قولداۋ كورسەتتى.
م. تىلەۋبەردى بۇدان ءارى ۇيىمنىڭ بارلىق ءۇش ولشەمىنە قاتىستى ماسەلەلەر بويىنشا قازاقستاننىڭ ۇستانىمى مەن كوزقاراسىن بايانداپ, ينكليۋزيۆتى ديالوگتى جالعاستىرۋدىڭ جانە جانجالدى جاعدايلاردى بىرلەسىپ دەن قويۋ جانە الدىن الۋ ءۇشىن ەقىۇ-عا قاتىسۋشى ەلدەردىڭ ۇيلەستىرىلگەن ءىس-قيمىلدارىن جۇزەگە اسىرۋدىڭ ماڭىزدىلىعىنا نازار اۋداردى. وسى تۇرعىدا ەقىۇ كەڭىستىگىندەگى كەلىسپەۋشىلىكتەر ديپلوماتيالىق جولمەن شەشىلۋى ءتيىس ەكەندىگى اتاپ ءوتىلدى.
قر ءسىم باسشىسى حەلسينكي قورىتىندى اكتىسىنىڭ, پاريج حارتياسىنىڭ جانە استانا دەكلاراتسياسىنىڭ رۋحىنا سايكەس ەۋرو-اتلانتيكا مەن ەۋرازياداعى سەنىمدى قالپىنا كەلتىرۋ اسا ماڭىزدى ەكەنىن اتاپ ءوتىپ, قازىرگى قيىن-قىستاۋ كەزەڭدەردە ەلدەر «قابىرعالار مەن ترانشەيالاردى ەمەس, جولدار مەن كوپىرلەر سالۋى» ءتيىس ەكەنىن اتاپ ءوتتى.
قازاقستان 1992 جىلى ەقىۇ مۇشەسى بولدى. 2010 جىلى قر ەقىۇ-عا توراعالىق ەتىپ, سول جىلدىڭ جەلتوقسان ايىندا «استانا ەستەلىك دەكلاراتسياسى: قاۋىپسىزدىك قوعامداستىعىنا قاراي» قۇجاتىن قابىلداۋمەن اياقتالعان ۇيىمنىڭ ءسامميتىن وتكىزدى.
