سپورتشى جۋرناليستەرمەن وتكەن ءباسپاسوز ءماسليحاتىندا ۋيمبلدونداعى تابىسى جايلى جانە جاڭا ماۋسىمداعى وي-جوسپارىمەن ءبولىستى.
«ەڭ الدىمەن مەنى جىلى شىرايدا قارسى العاندارىڭىزعا العىس ايتامىن. ۋيمبلدونداعى جەڭىستەن كەيىن استاناعا ۇشىپ كەلىپ, جانكۇيەرلەرىممەن كەزدەستىم. استانادان كەيىن الماتىعا كەلۋىم كەرەك ەدى. بىراق ءوزىمدى جايسىز سەزىنگەندىكتەن, ساپارىمدى كەيىنگە قالدىردىم. مىنە, سونىڭ ءساتى ەندى تۋىپ وتىر. وسىندا سىزدەرمەن اڭگىمە دۇكەن قۇرىپ, جاس تەننيسشىلەرمەن شەبەرلىك ساعاتىن وتكىزۋگە مۇمكىندىك العانىما قۋانىشتىمىن», دەدى ە.رىباكينا.
ەلەنا رىباكينا جەلتوقسان ايىنىڭ ورتاسىندا ءابۋ-دابيدە وتەتىن كورمە-جارىسقا قاتىساتىنىن, سوسىن دۋبايدا جاڭا ماۋسىمعا دايىندالاتىنىن جەتكىزدى. قازاقستاننىڭ ءبىرىنشى راكەتكاسىنىڭ جاڭا جىلداعى العاشقى جارىسى اۋستراليانىڭ اشىق چەمپيوناتى بولماق.
ءباسپاسوز ءماسليحاتىنان كەيىن تەننيس ورتالىعىنىڭ تاربيەلەنۋشىلەرى اتاقتى سپورتشىمەن كورتقا شىقتى. ەلەنا بالالارمەن بىرگە جاتتىعىپ, شەبەرلىكتەرىن ارتتىرۋ باعىتىندا اقىل-كەڭەسىن ايتىپ, سۇراقتارىنا جاۋاپ بەردى.
