بۇدان بۇرىن حابارلانعانداي, سەنات دەپۋتاتتارى «گەودەزيا, كارتوگرافيا جانە كەڭىستىك دەرەكتەرى تۋرالى», سونداي-اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە گەودەزيا, كارتوگرافيا جانە كەڭىستىكتىك دەرەكتەر ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭ جوبالارىن ەكى وقىلىمدا قاراپ, قابىلداعان بولاتىن.
باعدات ءمۋسيننىڭ ايتۋىنشا, زاڭ جوباسىنىڭ ەرەكشەلىگى – ۇلتتىق كەڭىستىكتىك دەرەكتەر ينفراقۇرىلىمىن (NSDI) قۇرۋ, وندا ءبىر پلاتفورمادا كەڭىستىكتىك دەرەكتەر بىرىڭعاي فورماتتا جانە سەنىمدى, ۋاقىتىلى ءارى ءتيىمدى پايدالانۋ ءۇشىن بىرىڭعاي تالاپتارعا سايكەس قۇرىلادى.
«ۇلتتىق كەڭىستىكتىك دەرەكتەر ينفراقۇرىلىمى – ەلىمىزدىڭ تسيفرلاندىرۋىندا ماڭىزدى ءرول اتقاراتىن گەودەزيا جانە كارتوگرافيا سالاسىنىڭ تاريحىنداعى العاشقى اۋقىمدى جوبا. NSDI وزەكتى كەڭىستىكتىك دەرەكتەردى بىرىزدەندىرۋگە, ازىرلەۋگە جانە قولداۋعا, سونداي-اق ءار ءتۇرلى كاداسترلار مەن اقپاراتتىق جۇيەلەردى ءبىر اقپاراتتىق كەڭىستىككە بىرىكتىرۋگە مۇمكىندىك بەرەدى. بۇل جاڭارتۋ پروتسەدۋراسىن اۆتوماتتاندىرۋدى قامتاماسىز ەتەدى. وسىلايشا, جەر بەتىندە جاڭادان پايدا بولعان نىسان مەيلى ول ءۇي بولسىن, مەيلى جول بولسىن ونى جاڭارتۋ كەزىندە كارتادا پايدا بولادى», دەپ ءتۇسىندىردى باعدات مۋسين زاڭ جوباسىن.
