تاعايىنداۋ • 01 جەلتوقسان، 2022

سەناتتا جوعارى اۋديتورلىق پالاتانىڭ مۇشەلەرى تاعايىندالدى

61 رەت كورسەتىلدى

بۇگىن پارلامەنت سەناتىنىڭ جالپى وتىرىسىندا قازاقستان رەسپۋبليكاسى جوعارى اۋديتورلىق پالاتانىڭ مۇشەلەرى بولىپ راشيت احمەتوۆ، نۇرلان نۇرجانوۆ جانە راسۋل راحيموۆ تاعايىندالدى، دەپ حابارلايدى Egemen.kz.

«كونستيتۋتسياعا سايكەس، پارلامەنتتىڭ ءاربىر پالاتاسى جوعارعى ەسەپ پالاتاسىنىڭ ءۇش مۇشەسىن بەس جىل مەرزىمگە دەربەس تاعايىندايدى. جوعارى اۋديتورلىق پالاتانىڭ مۇشەسى لاۋازىمىنا تاعايىنداۋ ءۇشىن كانديداتۋرالاردى پالاتا توراعاسى ۇسىنادى»، دەدى جالپى وتىرىس بارىسىندا سەنات توراعاسى ماۋلەن اشىمباەۆ.

ماۋلەن اشىمباەۆ ەسەپ پالاتاسىنىڭ مۇشەلىگىنە راشيت احمەتوۆ، نۇرلان نۇرجانوۆ جانە راسۋل راحيموۆتى ۇسىندى.

«بۇل كانديداتتار وزدەرىنىڭ كاسىبي قىزمەتى بارىسىندا وزدەرىن جاۋاپتى باسشى، قارجىلىق باقىلاۋ جانە اۋديت سالاسىنداعى جوعارى بىلىكتى ماماندار رەتىندە كورسەتە ءبىلدى»، دەدى سەناتتىڭ قارجى جانە بيۋدجەت كوميتەتىنىڭ توراعاسى سەرىكباي ترۋموۆ.

راشيت احمەتوۆ 1959 جىلى دۇنيەگە كەلگەن. الماتى تەمىر جول كولىگى ينستيتۋتىن جانە باتىس قازاقستان ينجەنەرلىك-تەحنولوگيالىق ۋنيۆەرسيتەتىنىڭ باسقارۋ جانە قۇقىق ينستيتۋتىن بىتىرگەن. 2017 جىلعى ماۋسىمنان 2022 جىلعى ماۋسىمعا دەيىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى بولدى.

نۇرلان نۇرجانوۆ 1975 جىلى دۇنيەگە كەلگەن. قازتۇتىنۋوداعى قاراعاندى ​​ەكونوميكالىق ۋنيۆەرسيتەتىن بىتىرگەن. 2016 جىلعى ماۋسىمنان قازىرگى ۋاقىتقا دەيىن ەسەپ كوميتەتىنىڭ مۇشەسى.

راسۋل راحيموۆ 1978 جىلى وسكەمەندە دۇنيەگە كەلگەن. سەرىكباەۆ اتىنداعى شىعىس قازاقستان ۋنيۆەرسيتەتىن بىتىرگەن. براندەنبۋرگ تەحنولوگيالىق ۋنيۆەرسيتەتىنىڭ ماگيسترى، وكسفورد ۋنيۆەرسيتەتىنىڭ ماگيسترى. ول «بولاشاق» حالىقارالىق ستيپەندياسىنىڭ تۇلەگى. 2021 جىلدىڭ قىركۇيەگىنەن باستاپ قازىرگى ۋاقىتقا دەيىن ەسەپ كوميتەتىنىڭ مۇشەسى.

بۇعان دەيىن پارلامەنت ءماجىلىسىنىڭ جالپى وتىرىسىندا ميحايل بورتنيك، رۇستەم نۇرپەيىسوۆ جانە يۋليا ەنگەل قازاقستان رەسپۋبليكاسى جوعارى اۋديتورلىق پالاتاسىنىڭ مۇشەلەرى بولىپ تاعايىندالعان بولاتىن.

ايتا كەتەيىك، مەملەكەت باسشىسىنىڭ جارلىقتارىمەن تىلەگەن قاسكين مەن ارداق تەڭگەباەۆ جوعارى اۋديتورلىق پالاتاسىنىڭ مۇشەلەرى بولىپ تاعايىندالدى.

بيىلعى جىلدىڭ 26 ​​قاراشاسىندا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ «قازاقستان رەسپۋبليكاسى جوعارعى اۋديتورلىق پالاتاسىنىڭ كەيبىر ماسەلەلەرى تۋرالى» جارلىققا قول قويدى.

مەملەكەت باسشىسىنىڭ جارلىعىمەن بۇعان دەيىن رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ توراعاسى قىزمەتىن اتقارعان ناتاليا گودۋنوۆا جوعارعى ەسەپ پالاتاسىنىڭ توراعاسى بولىپ تاعايىندالدى.

سوڭعى جاڭالىقتار

اۆتوجول قۇرىلىسىنىڭ قارقىنى

ايماقتار • بۇگىن، 08:46

ينۆەستيتسيالىق تابىس

ەكونوميكا • بۇگىن، 08:44

جەلىگە «جەلىمدەلگەندەر»

ەكونوميكا • بۇگىن، 08:35

قوردىڭ قوماقتى قولداۋى

ەكونوميكا • كەشە

وتەماقىعا ءوتىنىش بەر

ەكونوميكا • كەشە

وتباسىندا – 36 بالا

قوعام • كەشە

سۋ باسۋدىڭ قاۋىپ-قاتەرى

ايماقتار • كەشە

تۇماۋدان ساق بولىڭىز!

مەديتسينا • كەشە

كۇرە جولداعى اپات

ايماقتار • كەشە

سەنى وسىلاي سۇيەمىن

ادەبيەت • كەشە

اعاش ادام

ادەبيەت • كەشە

اسىلدىڭ سىنىعى

ايماقتار • كەشە

ۇقساس جاڭالىقتار