«اگلومەراتسيالاردى دامىتۋ تۋرالى» زاڭ جوباسى جانە وعان ىلەسپە زاڭ جوباسى مەملەكەت باسشىسىنىڭ 2021 جىلعى 1 قىركۇيەكتەگى تاپسىرمالارىن ورىنداۋ ماقساتىندا ازىرلەندى جانە اگلومەراتسيالاردى قالىپتاستىرۋ مەن دامىتۋ ءۇشىن قۇقىقتىق جاعدايلار جاساۋعا باعىتتالعان.
اتالعان زاڭ جوبالارى 2022 جىلدىڭ 23 قاراشاسىندا ءبىرىنشى وقىلىمدا ماقۇلداندى.
زاڭ جوبالارى:
- اگلومەراتسيالاردى دامىتۋ بويىنشا جاڭا تاسىلدەردى ەنگىزۋدى, وڭىرلىك جانە رەسپۋبليكالىق دەڭگەيلەردە اگلومەراتسيالار بويىنشا كەڭەستەر قۇرۋدى ۇسىنادى;
- ۇكىمەتتىڭ, ۋاكىلەتتى ورگاننىڭ, جەرگىلىكتى وكىلدى جانە اتقارۋشى ورگانداردىڭ اگلومەراتسيالاردى دامىتۋ سالاسىنداعى قۇزىرەتتەرىن ايقىنداۋ;
- وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارىنىڭ قالا قۇرىلىسىن جوسپارلاۋ, كولىك ينفراقۇرىلىمىن جوسپارلاۋ, ساۋلەت جانە قۇرىلىس قىزمەتى, بيۋدجەتتىك پروتسەستەردى ىسكە اسىرۋ سالاسىنداعى وكىلەتتىكتەرىن كەڭەيتۋ. بۇل اگلومەراتسيالار اۋماعىنداعى جەرگىلىكتى ماڭىزى بار مىندەتتەردى بىرلەسىپ شەشۋگە مۇمكىندىك بەرەدى.
سونداي-اق قالا ورتالىعىن دا, قالا ماڭىنداعى ايماقتاردى دا دامىتۋعا باعىتتالعان اگلومەراتسيا جوبالارىن بىرلەسىپ قارجىلاندىرۋ بويىنشا قالا جانە ىرگەلەس وبلىس بيۋدجەتتەرى اراسىندا كولدەنەڭ ترانسفەرتتەر مۇمكىندىگى ۇسىنىلادى.
