قازاقتىڭ «جەتىم كورسەڭ جەبەي ءجۇر» دەگەن ماقالىن باسقا-باسقا, ەرلى-زايىپتى تيموفەەۆتەر جاقسى تۇسىنگەن سياقتى. سودان بولار, وسىدان بىرنەشە جىل بۇرىن الەكسەي مەن ناتاليا تيموفەەۆتەر بالالار ۇيىنەن 15 ءسابيدى اسىراپ الىپتى. بۇگىندە سول 15-ءتىڭ 9-ى كامەلەت جاسىنان استى جانە ولاردىڭ كەيبىرىنىڭ جوعارى, كەيبىرىنىڭ ورتا ءبىلىمى بار. 6-ۋى ۇيلەنىپ, تۇرمىس قۇرىپ, ءوز الدارىنا وتباسى بولىپ كەتتى. بارلىعى باسپانا, جۇمىسپەن قامتىلعان. كەيبىرى, ءتىپتى, بالا تاربيەلەپ, وزدەرى اتا-انا اتانىپ وتىر. قازىر الەكسەي مەن ناتاليانى وسىناۋ بالالارىنان 14 نەمەرە ءسۇيىپ وتىرعان باقىتتى اتا-اجە دەۋگە بولادى.
ءدال قازىر تيموفەەۆتەردىڭ شاڭىراعىندا كامەلەتتىك جاسقا جەتپەگەن 6 بالا تاربيەلەنۋدە. ولاردىڭ ءبارى تاراز قالاسىنداعى بالالار ۇيلەرىنىڭ تاربيەلەنۋشىلەرى بولاتىن. ارينە, وتباسىندا بالا تاربيەسى, ونىڭ كۇندەلىكتى جاعدايىن جاساۋدىڭ اۋىرلىعى ەڭ الدىمەن ايەل ادامعا تۇسەتىنى بەلگىلى عوي. سوندىقتان بۇل بالالاردىڭ قاناتىن قاتايتىپ, ماپەلەۋدە, ۇيادان ۇشىرۋدا ناتاليا گريگوريەۆنانىڭ ەڭبەگى ەرەكشە ەكەنىن ايتا كەتۋ قاجەت. بالالار كۇنى مەرەكەسىندە جامبىل وبلىسىنىڭ اكىمى كارىم كوكىرەكباەۆ تيموفەەۆتەر وتباسىندا بولىپ, قانشاما بالاعا قامقور بولىپ وتىرعان ناتالياعا العىسىن جاۋدىرىپ, سىي رەتىندە جاپ-جاڭا «گازەل» كولىگىن تارتۋ ەتتى.
ارينە, جاس بالاعا تاربيە بەرۋدە اتا-انانىڭ الار ورنى ەرەكشە. بۇگىندە جامبىل وبلىسىندا 98 وتباسى 138 جەتىم بالانى قامقورلىعىنا العان. بۇدان بولەك, 11 وتباسى تيپتەس بالالار ءۇيى تاعى بار. جانە وبلىستاعى 3 مەملەكەتتىك ءبىلىم بەرۋ مەكەمەلەرىندە 333 جەتىم بالا تاربيەلەنىپ جاتىر.
ورالحان ءداۋىت,
«ەگەمەن قازاقستان».
جامبىل وبلىسى.
ءدال قازىر تيموفەەۆتەردىڭ شاڭىراعىندا كامەلەتتىك جاسقا جەتپەگەن 6 بالا تاربيەلەنۋدە. ولاردىڭ ءبارى تاراز قالاسىنداعى بالالار ۇيلەرىنىڭ تاربيەلەنۋشىلەرى بولاتىن. ارينە, وتباسىندا بالا تاربيەسى, ونىڭ كۇندەلىكتى جاعدايىن جاساۋدىڭ اۋىرلىعى ەڭ الدىمەن ايەل ادامعا تۇسەتىنى بەلگىلى عوي. سوندىقتان بۇل بالالاردىڭ قاناتىن قاتايتىپ, ماپەلەۋدە, ۇيادان ۇشىرۋدا ناتاليا گريگوريەۆنانىڭ ەڭبەگى ەرەكشە ەكەنىن ايتا كەتۋ قاجەت. بالالار كۇنى مەرەكەسىندە جامبىل وبلىسىنىڭ اكىمى كارىم كوكىرەكباەۆ تيموفەەۆتەر وتباسىندا بولىپ, قانشاما بالاعا قامقور بولىپ وتىرعان ناتالياعا العىسىن جاۋدىرىپ, سىي رەتىندە جاپ-جاڭا «گازەل» كولىگىن تارتۋ ەتتى.
ارينە, جاس بالاعا تاربيە بەرۋدە اتا-انانىڭ الار ورنى ەرەكشە. بۇگىندە جامبىل وبلىسىندا 98 وتباسى 138 جەتىم بالانى قامقورلىعىنا العان. بۇدان بولەك, 11 وتباسى تيپتەس بالالار ءۇيى تاعى بار. جانە وبلىستاعى 3 مەملەكەتتىك ءبىلىم بەرۋ مەكەمەلەرىندە 333 جەتىم بالا تاربيەلەنىپ جاتىر.
ورالحان ءداۋىت,
«ەگەمەن قازاقستان».
جامبىل وبلىسى.
