وسى اپتادا استانادا قانداي ءىس-شارالار وتەدى؟

29 قاراشا كۇنى ساعات 19:00-دە ە. راحماديەۆ اتىنداعى اكادەميالىق فيلارمونيا زالىندا قابانباي باتىردىڭ 330 جىلدىعىنا ارنالعان «دارابوز» كونتسەرتى وتەدى. 2 جەلتوقسان كۇنى كەشكە سول ساحنادا «سول ءبىر كەز» رەترو-كونتسەرتىمەن «سارىارقا» حالىق مۋزىكاسىنىڭ ءانسامبلى ونەر كورسەتەدى. 4 جەلتوقساندا «استانا وپەرا» تەاترىنىڭ ك.بايسەيىتوۆا اتىنداعى كامەرالىق زالىندا فيلارمونيانىڭ «تال بەسىكتەن – جەر بەسىككە…» كامەرالىق حورىنىڭ قويىلىمى ۇيىمداستىرىلادى.

ەلوردالىق تسيرك 3 جانە 4 جەلتوقساندا اعايىندى گەرتنەردى نەمىس تسيركىنىڭ «DER ELEFANT» باعدارلاماسىنا شاقىرادى. قويىلىمنىڭ باستالۋى ساعات 16:00-دە.

1 جەلتوقساندا دۇنيەجۇزىلىك جيتس-مەن كۇرەس كۇنىنە وراي «سالاۋاتتى ءومىر سالتى» تاقىرىبىندا ءدارىس وتەدى.

1 جانە 2 جەلتوقساندا توتاليتارلىق جۇيەنىڭ جازىقسىز قۇرباندارىنا ارنالعان «اسىل ناننىڭ ءۇزىمى» جانە «كۇرت-اسىل تاس» دارىستەرى وتەدى.

ساكەن سەيفۋللين مۇراجايى 30 قاراشادا «تار جول، تايعاق كەشۋ رومانىنىڭ جەلىسىمەن» كورمەسىنە شاقىرادى. 2 جەلتوقساندا مۋزەي قىزمەتكەرلەرى «مۋزەيدىڭ ەكسپوزيتسيالىق قۇرىلىسى» اتتى ءدارىس وتكىزەدى.

بىرنەشە تانىمدىق دارىستەردى تاريحي-مادەني مۇرا ەسكەرتكىشتەرى مەن نىساندارىنىڭ ساقتالۋىن قامتاماسىز ەتۋ ورتالىعى وتكىزۋدى جوسپارلاپ وتىر. ولار وسكەلەڭ ۇرپاقتى سالاۋاتتى ءومىر سالتىنا باۋلۋعا، قازاق ۇلتتىق ويىندارىن ناسيحاتتاۋعا جانە ۇرپاقتاردىڭ رۋحاني بايلانىسىن قالىپتاستىرۋعا باعىتتالعان.

وسى اپتادا ەلوردالىق تەاترلار كوپتەگەن ءتۇرلى قويىلىمدار دايىندادى. م. گوركي اتىنداعى مەملەكەتتىك اكادەميالىق ورىس دراما تەاترى جاس كورەرمەندەر ءۇشىن س.لىگيننىڭ 3 جەلتوقسان كۇنى ساعات 11:00-دە باستالاتىن «اي، دا، لەنكا» ەرتەگىسىن دايىندادى. سول كۇنى كەشكە ن.گوگولدىڭ «جەنيتبا» كومەدياسى كورسەتىلەدى.

«ناز» مەملەكەتتىك بي تەاترىنىڭ ارتىستەرى 30 قاراشادا ساعات 20:00-دە The Ritz-Carlton-دا ء«باا ۇلتتىق كۇنىن» مەرەكەلەۋگە ارنالعان ءىس-شارادا ونەر كورسەتەدى. 1 جەلتوقساندا تەاتر ء«بىز سپيد-كە، تەمەكىگە، ناشاقورلىققا جانە الكوگولگە قارسىمىز!» ءىس-شاراسىن ۇيىمداستىرادى.

2، 3 جانە 4 جەلتوقساندا قۋىرشاق تەاترىندا ا.سالاەۆانىڭ «ماداگاسكار 3» ءمۋلتفيلمى نەگىزىندە «قالا جولدارىنداعى وقيعالار» قويىلىمى كورسەتىلەدى.

«جاستار» تەاترىنىڭ ساحناسىندا 1 جەلتوقسان كۇنى ساعات 13:00 – دە ء«سوز بەن ساز» باعدارلاماسى بويىنشا «جىر داريا» كونتسەرتى، ال 19:00-دە «سوۆرەمەننيك» تەاترىنىڭ قويىلىمىندا پ.گەنوۆەزەنىڭ «يدەال بەيتانىس ادامدار» كومەدياسى وتەدى. 2 جەلتوقساندا ا.ۋگلوۆتىڭ زاماناۋي پەسانىڭ ورتاسىنان «لوندون ءۇشبۇرىشى» مەلودراماسىن كورۋگە بولادى.

30 قاراشادا ساعات 19:00-دە Nomad City Hall-دا كورەرمەندەر «چارلي چاپلين» قويىلىمىنا شاقىرىلادى. 3 جەلتوقساندا ساحنادا «ميزەري» سپەكتاكلى، ال 4 جەلتوقساندا – Imram توبىنىڭ ەتنو-فيۋجن كونتسەرتى كورسەتىلەدى.

جاس كورەرمەندى مۋزىكالىق تەاتر 1 جەلتوقساندا ء«شامشى» ميۋزيكلىنە شاقىرادى. ءبىر كۇننەن كەيىن «ماحاببات بار ما؟» ليريكالىق كومەدياسى كورسەتىلەدى. 4 جەلتوقساندا كورەرمەندەر «ۇنسىزدىك» سپەكتاكلىن تاماشالاي الادى.

ەلوردالىق كىتاپحانالار وسى اپتادا وقىرمانداردىڭ سالاۋاتتى ءومىر سالتى مەن ءوز دەنساۋلىعىنا دەگەن وڭ كوزقاراسىن قالىپتاستىرۋعا باعىتتالعان ادەبي ساعاتتار، كورمە-اڭگىمە ۇيىمداستىرادى.