2022 جىلدىڭ 2 قاراشاسىندا مەملەكەت باسشىسى قاسىم-جومارت توقاەۆ قاڭتار وقيعاسىنا قاتىسقاندارعا ءبىر رەتتىك راقىمشىلىق جاساۋ تۋرالى زاڭعا قول قويعان بولاتىن. «راقىمشىلىق تۋرالى» زاڭعا سايكەس, قىزىلوردا وبلىسى بويىنشا قاج دەپارتامەنتىنىڭ اۋداندىق جانە قالالىق پروباتسيا قىزمەتى 122 سوتتالعانعا قاتىستى راقىمشىلىق قولدانۋ تۋرالى سوتقا ۇسىنىس جولداعان. بۇل سوتتالعاندار جاپپاي تارتىپسىزدىك كەزىندە قىلمىستىق قۇقىق بۇزۋشىلىق جاساعان.
«قازىرگى تاڭدا 9 سوتتالعاننىڭ ءىس-قۇجاتتارى سوتپەن قارالىپ, 7 سوتتالعاننىڭ نەگىزگى جازاسى تورتتەن ۇشكە قىسقارتىلىپ, ەكى سوتتالعاننىڭ جازا مەرزىمىنەن بوساتۋ جونىندە سوت شەشىمىمەن قاۋلى شىعارىلدى. قاۋلى زاڭدى كۇشىنە ەنگەن جوق. ال قالعان 113 سوتتالعاننىڭ ماتەريالدارى سوت وندىرىسىندە. وسىعان دەيىن ەسەپتەگى سوتتالعاندارعا تۇسىندىرمە جۇمىستارى جۇرگىزىلگەن. وندا قاڭتار وقيعاسىنا قاتىسقانداردىڭ بارلىعى بىردەي راقىمشىلىققا ىلىكپەيتىنى جونىندە ناقتى ايتىلدى», دەدى پروباتسيا قىزمەتىنە باسشىلىق جاساۋ توبىنىڭ باس مامانى عالامات قۇلمانوۆ.
