فۋتبول • 29 قاراشا، 2022

قازاقستان 20 جاسقا دەيىنگىلەر اراسىنداعى الەم چەمپيوناتىنا قاتىسادى

66 رەت كورسەتىلدى

قفف پرەزيدەنتى ادىلەت بارمەنقۇلوۆ يندونەزيا سپورت جانە جاستار ساياساتى مينيسترلىگىنىڭ شري ۆانيۋني باستاعان دەلەگاتسياسىمەن، سونداي-اق يندونەزيانىڭ قازاقستانداعى ەلشىسى موحاماد فادجرۋل راحمانمەن كەزدەسۋ وتكىزدى، دەپ حابارلايدى Egemen.kz.

قفف كەڭسەسىندە وتكەن كەزدەسۋدە تاراپتار يندونەزيا مەن قازاقستاندا فۋتبولدى دامىتۋعا قاتىستى كوپتەگەن ماسەلەلەردى تالقىلادى.

سپورتتىق مەديتسينا سالاسىندا تاجىريبە الماسۋ جانە سپورتتىق قۇرال-جابدىقتار ءوندىرۋ بويىنشا ۋاعدالاستىققا قول جەتكىزىلدى. سونداي-اق ءارتۇرلى جاس اراسىنداعى ۇلتتىق قۇرامالار اراسىندا جولداستىق ماتچتار وتكىزۋ ماسەلەلەرى قارالدى.

فەدەراتسيا پرەزيدەنتى ادىلەت بارمەنقۇلوۆ تاراپتاردىڭ سپورت شەڭبەرىندەگى ىنتىماقتاستىعى زور الەۋەتى بار ەلدەر اراسىنداعى قارىم-قاتىناستاردى دامىتۋعا سەپتىگىن تيگىزەدى دەگەن ءۇمىتىن ءبىلدىردى.

دەلەگاتسيا باسشىسى شري ۆانيۋني قازاقستاندىق تاراپىن كەلەسى جىلى يندونەزيادا وتەتىن 20 جاسقا دەيىنگى جاستار اراسىنداعى فۋتبولدان الەم چەمپيوناتىنا شاقىردى. ايتا كەتەيىك، بۇل فيفا-نىڭ وسى ەلدە وتەتىن العاشقى ءتۋرنيرى.

سوڭعى جاڭالىقتار

ۇقساس جاڭالىقتار