وبلىستا 10 ايدىڭ قورىتىندىسى بويىنشا 1 تريلليون تەڭگەدەن استام اۋىل شارۋاشىلىعى ونىمدەرى وندىرىلگەن. تاۋەلسىزدىك العاننان كەيىنگى جىلدارمەن سالىستىرعاندا, بۇل العاشقى جوعارى كورسەتكىش.
وبلىس اگراريلەرى ەلدەگى جالپى ءداندى داقىلداردىڭ تورتتەن ءبىرىن جانە مايلى داقىلداردىڭ 35 پايىزدان استامىن جينادى. ىشكى نارىقتى ازىق-ت ۇلىكتىڭ نەگىزگى تۇرلەرىمەن ءوز ءوندىرىسى ەسەبىنەن قامتاماسىز ەتۋ 85 پايىزدى قۇرايدى.
سولتۇستىكقازاقستاندىق ديقاندار ماشينا-تراكتور پاركىن جاڭارتۋ بويىنشا تۇراقتى جۇمىس جۇرگىزىپ كەلەدى. جىل باسىنان بەرى 74,3 ميلليارد تەڭگەگە 2189 بىرلىك تەحنيكا ساتىپ الىنعان. سونداي-اق بيىل 2,7 ميلليون گەكتار القاپقا 170 مىڭ توننا تىڭايتقىش ەنگىزىلىپتى.
ايتا كەتەيىك, سالانىڭ بەلسەندى دامۋى مال شارۋاشىلىعى ونىمدەرىن وڭدەۋ كولەمىنىڭ ارتۋىنا دا ىقپال ەتۋدە.
