بايقاۋ ەكى كەزەڭنەن تۇرادى. وندا قاتىسۋشىلار ءداستۇرلى شەرتپە كۇي مەكتەبى وكىلدەرىنىڭ 5 شىعارماسىن جانە قاتىسۋشىنىڭ تاڭداۋى بويىنشا قازىرگى زامانعى كومپوزيتوردىڭ ءبىر كۇيىن ورىندايدى.
«مينيسترلىك اۋقىمدى جوبانى قولعا الدى. نەگىزگى ماقساتىمىز – «شەرتپە» ءستيلىن كەڭىنەن ناسيحاتتاۋ جانە كەلەشەگى زور دومبىراشىلارعا قولداۋ كورسەتۋ. قىزۋ دايىندىق جۇمىستارى جۇرگىزىلگەنىن ەرەكشە اتاپ وتكىم كەلەدى. 16 قىركۇيەكتەن 23 قاراشاعا دەيىنگى ارالىقتا 45 ءوتىنىم كەلىپ ءتۇستى. ولار نەگىزىنەن – 16 مەن 35 جاس ارالىعىنداعى جاستار. ەندى فەستيۆال قورىتىندىسى بويىنشا ءبىرىنشى ورىن يەگەرى 750 مىڭ تەڭگە, ەكىنشى ورىن يەگەرى 500 مىڭ تەڭگە, ال ءۇشىنشى ورىن يەگەرى 300 مىڭ تەڭگە الادى. سونداي-اق ارنايى ديپلومدار مەن سىيلىقتار بار. ال باس جۇلدە يەگەرى 1 ملن تەڭگە جەڭىپ الادى», دەدى قر مسم مادەنيەت كوميتەتى توراعاسىنىڭ ورىنباسارى دانيار اليەۆ.
