ونەر • 28 قاراشا، 2022

تالانتتى انشىگە تاعزىم

133 رەت كورسەتىلدى

جامبىل اتىنداعى قازاق مەملەكەتتىك فيلارمونياسىندا كازاقستاننىڭ حالىق ءارتىسى، ءانشى باقىت ءاشىموۆانىڭ تۋعانىنا 85 جىل تولۋىنا ارنالعان «كۇندەر-اي» اتتى ءان كەشى وتەدى، دەپ جازادى Egemen.kz.

ن.تىلەنديەۆ اتىنداعى اكادەميالىق فولكلورلىق-ەتنوگرافيالىق «وتىرار سازى» وركەسترىنىڭ سۇيەمەلدەۋىمەن وتەتىن ەسكە الۋ كەشىندە ءانشى رەپەرتۋارىنان ۇزدىك شىعارمالار ورىندالادى. وركەستردىڭ كوركەمدىك جەتەكشىسى جانە باس ديريجەرى قازاقستاننىڭ ەڭبەك سىڭىرگەن قايراتكەرى ءدىنزۋحرا تىلەنديەۆا. ديريجەرلەر – قازاقستاننىڭ ەڭبەك سىڭىرگەن ءارتىسى جالعاسبەك بەگەندىكوۆ جانە قازاقستاننىڭ ەڭبەك سىڭىرگەن قايراتكەرى ءمۇسىلىم امزە.

قازاق اكادەميالىق وپەرا جانە بالەت تەاترىندا ۇزاق جىلدار بويى مەتسا-سوپرانولىق رولدەردى نازىك يىرىممەن بايىتىپ كەتكەن  
ب.ءاشىموۆا جوعارى ورىنداۋشىلىق مانەرىمەن ەل ەسىندە قالدى. ە.برۋسيلوۆسكيدىڭ «قىز جىبەگى» مەن «ەر تارعىنىندا» ءدۇريا، قامقا، جاڭقا، ا.جۇبانوۆ پەن ل.ءحاميديدىڭ «ابايى» مەن «تولەگەن توقتاروۆىندا» قارلىعاش، ليۋبا، م.تولەباەۆتىڭ ء«بىرجان–ساراسىندا» انالىق، ن.جيگانوۆتىڭ «التىنشاشىندا» توعىزاق، پ.چايكوۆسكيدىڭ «ەۆگەني ونەگينىندە» لارينا، دج. ءپۋچچينيدىڭ «چيو-چيو-سانىندا» سۋزۋكي، ز. يسماگيلوۆتىڭ «قۇداشاسىندا» ءشامسيا رولدەرى ب.ءاشىموۆا سومداۋىندا مۇلدە جاڭا قىرىنان اشىلدى. ب.ءاشىموۆا ونەرىنىڭ ەكىنشى قىرى – كامەرالىق انشىلىگى. ول ن. تىلەنديەۆتىڭ «كۋا بول»، «ماحاببات مۇڭى»، «كۇندەر-اي»، «جۇرەگىم مەنىڭ»، «سارجايلاۋ»، «سونبەيدى، اجە، شىراعىڭ» جانە راحماديەۆتىڭ «بالا عاشىق»، «ساعىندىم ەركەم»، «كۇزدە» اندەرىن العاش رەت ورىنداپ، قالىڭ جۇرتشىلىقتىڭ ىقىلاسىنا بولەندى.

كونتسەرتتە قازاقستاننىڭ ەڭبەك سىڭىرگەن قايراتكەرلەرى گۇلزات داۋىرباەۆا، دينا حامزينا
حالىقارالىق جانە رەسپۋبليكالىق بايقاۋلاردىڭ لاۋرەاتتارى ءبىرجان ءبازىلجان، فارحات كۋبيەۆ، ءازيزا ابدرەيىم، نۇرعالىم امانباي، ديار نۇرسۇلتانوۆتار ونەر كورسەتەدى. باعدارلامادا ن. تىلەنديەۆتىڭ «اتا تولعاۋى» «سونبەيدى اجە، شىراعىڭ»، «اجەمە»، «سارىجايلاۋ»، «اكەمە»، «جۇرەگىم مەنىڭ»، «الماتى كەشىندە»، «كۋا بول»، «كۇندەر-اي»، ء«وز ەلىم» اندەرى مەن  كۇيى، سونداي-اق، قازاقتىڭ حالىق ءانى «عازيزاگۇل قاراعىم-اي»، «جەلبىر جەكەن»، «اپيتوك»، ۇكىلى ىبىرايدىڭ «حاراراۋ»، ومىربەك بايدىلداەۆتىڭ «تۋعان ەل»، ماكالىم قويشىباەۆتىڭ ء«امۋداريا»، ءشامشى قالداياقوۆتىڭ «شىنارىم» اندەرى ورىندالادى.

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

ۇقساس جاڭالىقتار