«اۋىل تۇرعىنىنىڭ ۇيىنەن جەكە ءتىنتۋ كەزىندە 14 كەلى ماريحۋانا تاركىلەندى. ساراپتاما قورىتىندىسىنا سايكەس, انىقتالعان زات كەپتىرىلگەن ماريحۋاناعا جاتادى. اتالعان فاكتى بويىنشا قر قىلمىستىق كودەكسىنىڭ 297-بابى «ەسىرتكى ساتۋ» بويىنشا سوتقا دەيىنگى تەرگەۋ امالدارى باستالدى. كۇدىكتىگە قاتىستى بۇلتارتپاۋ شاراسى تاعايىندالدى», دەپ ءتۇسىندىردى پوليتسەيلەر.
ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرىمەن جىل باسىنان بەرى بارلىعى 180 كەلىدەن استام ءتۇرلى ەسىرتكى زاتتارى زاڭسىز اينالىمنان تاركىلەندى.
قوستاناي وبلىسى ءىىد ەسىرتكى قىلمىسىنا قارسى كۇرەس باسقارماسى باستىعىنىڭ ورىنباسارى ايات قارتباەۆتىڭ ايتۋىنشا, جەدەل الدىن الۋ شارالارى اياسىندا پوليتسيا قىزمەتكەرلەرىنىڭ باستى مىندەتى - ەسىرتكى جانە سينتەتيكالىق پسيحواكتيۆتى زاتتاردىڭ زاڭسىز اينالىمىنىڭ جولىن كەسۋ.
