پارلامەنت • 28 قاراشا، 2022

قازاقستان مەن فينليانديانىڭ پارلامەنتارالىق ىنتىماقتاستىعى تالقىلاندى

42 رەت كورسەتىلدى

قر پارلامەنتى سەناتىنىڭ دەپۋتاتتارى فينليانديا پارلامەنتىنىڭ دەپۋتاتتارى، پارلامەنتارالىق «ورتالىق ازيامەن دوستىق توبىنىڭ» مۇشەلەرى كيممو كيليۋنەن جانە حەلي يارۆينەنمەن كەزدەستى، دەپ جازادى Egemen.kz.

حالىقارالىق قاتىناستار، قورعانىس جانە قاۋىپسىزدىك كوميتەتىنىڭ توراعاسى مۇحتار قۇل-مۇحاممەد ءوز سوزىندە فينليانديا قازاقستاننىڭ سولتۇستىك ەۋروپاداعى جانە جالپى ەۋروپالىق وداقتاعى ماڭىزدى ارىپتەسى بولىپ تابىلاتىنىن اتاپ ءوتتى. وعان قوسا ءبىزدىڭ ەلدەرىمىز نەگىزگى حالىقارالىق ماسەلەلەر جونىندەگى كوزقاراستارى ۇقساس جانە حالىقارالىق ۇيىمدار اياسىندا تىعىز ىنتىماقتاسىپ كەلەدى.

پارلامەنت دەپۋتاتى سونىمەن قاتار مەملەكەت باسشىسىنىڭ باستاماسى بويىنشا جۇزەگە اسىپ جاتقان كەشەندى جانە جۇيەلى وزگەرىستەر تۋرالى ايتىپ بەردى.

«بۇگىنگى تاڭدا جۇزەگە اسىرىپ جاتقان ساياسي جانە ەكونوميكالىق رەفورمالاردى زاڭنامالىق قامتاماسىز ەتۋ – پارلامەنت جۇمىسىنداعى باستى باسىمدىق بولىپ تابىلادى. سەنات دەپۋتاتتارى ايدىڭ باسىندا ادام قۇقىقتارىن قورعاۋ جۇيەسىن نىعايتۋعا، بيلىك تارماقتارى اراسىنداعى، سونداي-اق ورتالىق پەن وڭىرلەر اراسىنداعى وكىلەتتىكتەر مەن جاۋاپكەرشىلىكتىڭ تەپە-تەڭدىگىن قامتاماسىز ەتۋگە باعىتتالعان بىرقاتار ماڭىزدى كونستيتۋتسيالىق زاڭداردى قارادى جانە قابىلدادى. قابىلدانعان ەرەجەلەر ءماجىلىس پەن ءماسليحاتتاردى قالىپتاستىرۋدىڭ ارالاس ۇلگىسىن ەنگىزۋ، اۋداندار مەن وبلىستىق ماڭىزى بار قالالار اكىمدەرىنىڭ سايلاۋىن كەزەڭ-كەزەڭىمەن ەنگىزۋ ءۇشىن قۇقىقتىق نەگىز جاسادى»، دەدى مۇحتار قۇل-مۇحاممەد.

تاراپتار پارلامەنتارالىق بايلانىستاردى كەڭەيتۋدىڭ ماڭىزىن دا تالقىلادى. فينليانديادان كەلگەن پارلامەنتشىلەر ەكى مەملەكەت اراسىنداعى ديپلوماتيالىق قاتىناستار ورناعان ساتتەن باستاپ 30 جىل ىشىندە قازاقستان ءوزىن سەنىمدى ساياسي جانە ەكونوميكالىق ارىپتەس رەتىندە كورسەتكەنىن اتاپ ءوتتى.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار