ءبىلىم • 28 قاراشا، 2022

قۇزىرەتى جوعارى: ساياسات نۇربەك جاڭادان قۇرىلعان قوعامدىق كەڭەس تۋرالى ايتتى

113 رەت كورسەتىلدى

عىلىم جانە جوعارى ءبىلىم مينيسترلىگى جانىنان قوعامدىق كەڭەس قۇرىلدى. كەڭەس قۇرامىندا پارلامەنت دەپۋتاتتارى، مەملەكەت جانە قوعام قايراتكەرلەرى، عالىمدار، وقىتۋشىلار، ازاماتتىق قوعام جانە باق وكىلدەرى بار، دەپ جازادى Egemen.kz

عىلىم، جوعارى ءبىلىم جانە ءتىل ساياساتى ماسەلەلەرى جونىندەگى قوعامدىق كەڭەستىڭ العاشقى وتىرىسى دا بولىپ ءوتتى. وعان مينيستر ساياسات نۇربەك قاتىسىپ، كەڭەستىڭ الداعى جوسپارلارىنا توقتالدى.

«جاڭادان قۇرىلعان مينيسترلىكتىڭ الدىنا مەملەكەت باسشىسى ۇلكەن مىندەتتەر قويىپ وتىر. عىلىم مەن جوعارى ءبىلىم سالاسىنا قاتىستى بارلىق شەشىمدەردى وزدەرىڭىزدىڭ تالقىلاۋلارىڭىزعا ۇسىنامىز. سەبەبى قوعامدىق كەڭەستىڭ جۇمىسى ارنايى زاڭمەن ايقىندالعان. قۇزىرەتى دە جوعارى. جۇرتشىلىقتىڭ، ازاماتتىق قوعامنىڭ پىكىرىن ەسكەرىپ، بىزگە قولداۋ كورسەتەدى دەپ سەنەمىز»، دەيدى مينيستر.

مينيسترلىكتىڭ سالالىق باعىتى ەسكەرىلىپ، 5 كوميسسيا قۇرىلدى. ولاردىڭ توراعالارى سايلاندى.

1. نورماتيۆتىك-قۇقىقتىق اكتىلەردىڭ جوبالارىن قاراۋ جانە سىبايلاس جەمقورلىققا قارسى ءىس-قيمىل ماسەلەلەرى بويىنشا كوميسسيا توراعاسى بولىپ «د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى» كوممەرتسيالىق ەمەس اكتسيونەرلىك قوعامىنىڭ عىلىمي كەڭەسشىسى جاسۇلان شايماردانوۆ;

2. بيۋدجەت ماسەلەلەرى بويىنشا كوميسسيا توراعاسى بولىپ قر پارلامەنتى ءماجىلىسىنىڭ دەپۋتاتى يرينا سميرنوۆا;

3. عىلىم ماسەلەلەرى بويىنشا كوميسسيا توراعاسى بولىپ «QazBioPharm» ۇلتتىق حولدينگى» اكتسيونەرلىك قوعامىنىڭ باسقارما توراعاسى كۇنسۇلۋ زاكاريا;

4. جوعارى ءبىلىم ماسەلەلەرى بويىنشا كوميسسيا توراعاسى بولىپ ازاماتتىق قوعام وكىلى امانتاي نۇرماعامبەتوۆ;

5. ءتىل ساياساتى ماسەلەلەرى بويىنشا كوميسسيا توراعاسى بولىپ قر پارلامەنتى ءماجىلىسىنىڭ دەپۋتاتى ماقپال تاجماعامبەتوۆا سايلاندى.

جيىن سوڭىندا 3 جىلعا سايلانعان قوعامدىق كەڭەستىڭ تورالقاسى بەكىتىلدى.

ايتا كەتەيىك، وتىرىسقا قوعامدىق كەڭەستىڭ 17 مۇشەسىنىڭ 11-ءى وفلاين، 6-ۋى ونلاين قاتىستى. داۋىس بەرۋ ارقىلى عىلىم جانە جوعارى ءبىلىم سالاسىندا، سونداي-اق قوعامدىق كەڭەس جۇمىسىن جۇرگىزۋدە تاجىربيەسى مول قوعام قايراتكەرى سەرىك ىرساليەۆ قوعامدىق كەڭەس توراعاسى بولىپ سايلاندى.

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار