بۇل تۋرالى ەلدەگى مۇعالىمدەر كاسىپوداق ۇيىمىنىڭ زەرتتەۋىندە ايتىلعان.
اقپاراتقا سايكەس, ۇستازدار بوس ۋاقىتىندا تاكسي جۇرگىزۋشىسى جانە بارمەن بولىپ قوسىمشا تابىس تابا باستاعان. رەپەتيتور بولىپ جۇرگەندەرى دە كوپ.
ءتىپتى, العاشىندا از قامتىلعان وتباسىلاردان شىققان وقۋشىلارعا كومەك كورسەتۋ ماقساتىندا ءبىلىم بەرۋ مەكەمەلەرىندە قۇرىلعان ازىق-ت ۇلىك بانكتەرىنىڭ قىزمەتتەرىن پايدالاناتىن مۇعالىمدەردىڭ دە قاتارى كوبەيگەن.
وسىعان بايلانىستى بيلىك مۇعالىمدەردىڭ جالاقىسىن 5-8 پايىزعا كوتەرگەن. بىراق جىلدىق ەسەپپەن 11 پايىزدان اساتىن ينفلياتسيانى ەسكەرسەك, ولارعا بۇل كومەكتەسپەيتىن ءتارىزدى.
ۇلىبريتانيانىڭ ۇلتتىق ستاتيستيكا باسقارماسىنىڭ مالىمەتى بويىنشا, ەلدەگى ينفلياتسيا قازان ايىندا وتكەن جىلدىڭ سايكەس كەزەڭىمەن سالىستىرعاندا 11,1%-عا دەيىن وسكەن. بۇل 1981 جىلدان بەرگى ەڭ جوعارى كورسەتكىش. باعانىڭ كوتەرىلۋىنە ەلەكتر ەنەرگياسى ءتاريفىنىڭ قىمباتتاۋى اسەر ەتكەن.
ايتا كەتەيىك, بۇعان دەيىن لوندوندا ورنالاسقان ەكونوميكا جانە ىسكەرلىك زەرتتەۋلەر ورتالىعى ۇلىبريتانيادا ءومىر ءسۇرۋ دەڭگەيىنىڭ تومەندەۋى مۇمكىن ەكەنىن حابارلادى.
