قولداۋ كورسەتۋ – بارشانىڭ مىندەتى

«قازىر سايلاۋداعى جەڭىستى تويلايتىن كەز ەمەس، ايانباي ەڭبەك ەتەتىن كەز. سول سەبەپتى ارقانى كەڭگە سالۋعا بولمايدى، بىردەن ىسكە كىرىسۋىمىز كەرەك» دەگەن پرەزيدەنت ۇلىقتاۋ راسىمىنەن كەيىن 5 جارلىققا قول قويدى. سونىڭ ىشىندە، ءبىرىنشى قول قويعان قۇجاتى – اۋىلدى دامىتۋدىڭ 5 جىلعا ارنالعان تۇجىرىمداماسى. بۇل اۋىل ادامى، اۋىل شارۋاشىلىعى مامانى رەتىندە وزىمە زور اسەر ەتتى. ياعني پرەزيدەنتتىڭ حالىقتىڭ تەڭ جارتىسىنا جۋىعى مەكەندەگەن اۋىل مەن اۋىل شارۋاشىلىعىن ەكونوميكانىڭ قوزعاۋشى كۇشى، ازىق-ت ۇلىك قاۋىپسىزدىگىن قامتاماسىز ەتۋدە قىمباتشىلىقتى قۇرىقتاۋشى، مىقتى اۋىل عانا مىقتى مەملەكەتتىڭ التىن دىڭگەگى ەكەنىنە ابدەن كوزى جەتكەن.

ەندىگى ماسەلە – وسى تاپسىرمانى ورىنداۋعا ۇكىمەتتەن باستاپ بارلىق دەڭگەيدەگى باسشىلاردىڭ بار كۇش-جىگەرلەرىن جۇمساۋىندا جاتىر. تاعى ءبىر ايتا كەتەتىن جايت بار. وسى ارادا اۋىلشارۋاشىلىق ءوندىرىسىن قوسا دامىتۋ باعدارلاماسى بىرگە قابىلدانسا دەگەن وي تۋادى. ويتكەنى اۋىلدى قانشا اسپەتتەپ، جولى، سۋى، ءبىلىمى، مەديتسيناسى، مادەنيەتىن كوتەرگەنىمەن، ەگەر اۋىلشارۋاشىلىق ءوندىرىسى قاتار دامىماسا، پايدالى جۇمىس ورنى اشىلماسا، اۋىلدا ەشكىم تۇراقتامايدى. سوندىقتان «ۇلتتىق ازىق-ت ۇلىك كونتسەپتسياسى» قابىلدانعانى ابزال دەپ ەسەپتەيمىن. اۋىل شارۋاشىلىعىن تىعىرىقتان شىعاراتىن 40 پۋنكتتەن تۇراتىن ۇسىنىستارىمىز دا بار. بۇل ورايدا اۋىل شارۋاشىلىعى مينيسترلىگى جەرگىلىكتى جەردەگى اۋىل ماماندارىمەن دە كەڭەسكەنى ءلازىم. جالپى، پرەزيدەنت باعدارلاماسىندا قوعامنىڭ قامتىلماعان بىردە-ءبىر ماسەلەسى قالمادى. ادىلەتتى قازاقستاندى قۇرۋ جولىندا پرەزيدەنتكە بۇكىلحالىقتىق قولداۋ كورسەتۋ – بارشانىڭ مىندەتى دەپ ەسەپتەيمىن.

نيقانباي ومارحانوۆ،

اۋىل شارۋاشىلىعى سالاسىنىڭ ۇزدىگى

قاراعاندى وبلىسى