جيىن تۇركىستان وبلىسىنىڭ بيزنەسمەندەرىمەن كەزدەسۋدى جالعاستىرۋ ءۇشىن ۇيىمداستىرىلدى. ۆيتسە-پرەمەر استاناداعى مەملەكەتتىك ورگاندار, كۆازيمەملەكەتتىك سەكتور, سالالىق قاۋىمداستىقتار مەن جەڭىل ونەركاسىپ كاسىپورىندارىنىڭ وكىلدەرىن جينادى. كۇن تارتىبىندە ەلدە ماقتانى تولىق وڭدەۋدى قامتاماسىز ەتۋ جانە جەڭىل ونەركاسىپتىڭ دامۋىن قولداۋ قارالدى.
يندۋستريا جانە ينفراقۇرىلىمدىق دامۋ مينيسترلىگىنىڭ دەرەگىنە سايكەس, قازاقستاندا 2022 جىلعى 1 قاراشاداعى جاعداي بويىنشا 1 396 جەڭىل ونەركاسىپ كاسىپورنى جۇمىس ىستەيدى, ونىڭ ىشىندە 816 – تىگىن كاسىپورنى, 461 – توقىما ءوندىرىسى بويىنشا, 119 – بىلعارى جانە وعان قاتىستى ونىمدەر شىعارادى. ەلدىڭ ءىجو-دەگى جەڭىل ونەركاسىپتىڭ ۇلەسى 0,1%, وڭدەۋشى ونەركاسىپتە 0,8%-دى قۇرايدى.
بۇگىنگى تاڭدا وتاندىق كيىم جانە اياق كيىم نارىعى نەگىزىنەن رەتتەلەتىن ساتىپ الۋلار مەن مەملەكەتتىك قورعانىس تاپسىرىسىنىڭ قاجەتتىلىكتەرىن قاناعاتتاندىرۋعا باعىتتالعان.
يدم يندۋستريالىق دامۋ كوميتەتىنىڭ توراعاسى ءىلياس وسپانوۆتىڭ ايتۋىنشا, بيىل جەڭىل ونەركاسىپتى دامىتۋدىڭ 2022-2025 جىلدارعا ارنالعان جول كارتاسى ازىرلەنىپ, بەكىتىلدى. وعان شيكىزات بازاسىن دامىتۋ, شيكىزاتتى قايتا وڭدەۋ, جەڭىل ونەركاسىپتىڭ وتاندىق وندىرۋشىلەرىنىڭ قۋاتىن ارتتىرۋ, ينۆەستيتسيالار تارتۋ, الەمدىك تاجىريبەنى ەنگىزۋ جانە ەكسپورتتى دامىتۋ جونىندەگى شارالار كىرەدى.
الايدا جەڭىل ونەركاسىپ پروبلەمالارىن شەشۋ بىردەن ەكونوميكانىڭ بىرنەشە سەكتورىنا, ەڭ الدىمەن, اوك-كە اسەر ەتەدى. ءشيتتى ماقتا وندىرۋمەن ءداستۇرلى تۇردە تۇركىستان وبلىسىنىڭ فەرمەرلەرى اينالىسادى. قازاقستاندا جىلىنا ورتا ەسەپپەن 327 مىڭ توننا ماقتا وندىرىلەدى, بىراق قازاقستاندىق كاسىپورىنداردا بارلىق شيكىزاتتى قايتا وڭدەۋگە مۇمكىندىك جوق.
جەڭىل ونەركاسىپ كاسىپورىندارىنىڭ قاۋىمداستىعى ماقتا ونەركاسىبىنىڭ الەۋەتى بار دەپ سەندىرەدى. تەك مەملەكەتتىك قولداۋ شارالارى قاجەت.
بيزنەستە ءتيىمدى شارالاردىڭ ءبىرى – جەڭىل ونەركاسىپ ونىمدەرىن مەملەكەتتىك ساتىپ الۋدىڭ بىرىڭعاي پۋلىنا بىرىكتىرۋ. سوندا وتاندىق تاۋار وندىرۋشىلەر مەملەكەتتىك تاپسىرىسقا كەپىلدى قول جەتكىزە الادى.
«بۇل جاعدايدا ءبىز مەملەكەتتىك كاسىپورىندارعا قانشا ءونىم قاجەت ەكەنىن كورەتىن بولامىز», دەپ اتاپ ءوتتى «Qaz Textile Industry» جەڭىل ونەركاسىپ كاسىپورىندارى بىرلەستىگىنىڭ توراعاسى گۇلميرا ۋاحيتوۆا.
ءوز كەزەگىندە مەملەكەتتىك قورعانىس تاپسىرىسىنىڭ وكىلى جەڭىل ونەركاسىپتىڭ قازاقستاندىق كاسىپورىندارىنا ماتانىڭ جانە شىعارىلاتىن ءونىمنىڭ ساپاسىن ارتتىرۋدى, ءوندىرىس تەحنولوگياسىن جاقسارتۋدى, قازاقستاننىڭ كۇش قۇرىلىمدارى ءۇشىن ارنايى كيىم جەتكىزەتىن قازاقستاندىق برەندتى ازىرلەۋدى ۇسىندى. ءوز تاراپىنان مەملەكەتتىك ورگانداردىڭ وكىلدەرى تاپسىرىس بەرۋشىلەر وتاندىق تاۋار وندىرۋشىلەر ءونىمنىڭ لايىقتى ساپاسىن قامتاماسىز ەتكەن جاعدايدا, جەڭىل ونەركاسىپ ءۇشىن ساتىپ الۋداعى جەرگىلىكتى قامتۋ ۇلەسىن 30-دان 70%-عا دەيىن ۇلعايتۋعا دايىن ەكەنىن مالىمدەدى.
سونداي-اق كەڭەستە جاڭا توقىما فابريكالارىن سالۋ, ينۆەستورلاردى تارتۋ, جەڭىل ونەركاسىپ كاسىپورىندارىن اەا باسىم سالالارىنىڭ تىزبەسىنە قوسۋ, جەڭىل ونەركاسىپ كاسىپورىندارىنا پرەفەرەنتسيالار بەرۋ بويىنشا ۇسىنىستار ايتىلدى.
«مەملەكەتتىڭ مىندەتى – بيزنەس ءۇشىن قولايلى جاعداي جاساۋ, ال ينۆەستورلار كەلەدى», دەپ قورىتىندىلادى س.جۇمانعارين.
سوڭىندا ۆيتسە-پرەمەر جىل سوڭىنا دەيىن جەڭىل ونەركاسىپ سالاسىن دامىتۋ بويىنشا بارلىق ۇسىنىستاردى شوعىرلاندىرۋدى جانە ولاردى كەلەسى كەزدەسۋگە ۇسىنۋدى تاپسىردى.
