«قازگيدرومەت» رمك سينوپتيكتەرىنىڭ مالىمەتىنشە, 26 جانە 27 قاراشادا استانادا اۋا تەمپەراتۋراسى كۇندىز 22-24 ايازعا دەيىن, تۇندە – 30-32 گرادۋسقا دەيىن تومەندەيدى دەپ كۇتىلۋدە. بۇگىن, 25 قاراشادا قالادا قارلى بوران, قاتتى جاۋىن-شاشىن جانە ەكپىندى جەل بار.
اۋا رايىنىڭ ناشارلاۋىنا, كورىنۋدىڭ شەكتەلۋىنە, اۋا تەمپەراتۋراسىنىڭ تومەندەۋىنە بايلانىستى استانا قالاسىنىڭ توتەنشە جاعدايلار دەپارتامەنتى ەلوردا تۇرعىندارى مەن قوناقتارىنا كۇن رايىنىڭ وزگەرۋى جانە ەنگىزىلگەن شەكتەۋلەر تۋرالى مەتەورولوگيالىق قورىتىندىلاردى (ونىڭ ىشىندە Darmen قوسىمشاسى ارقىلى) قاداعالاۋدى, قالا شەتىنە شىقپاۋدى, ساق بولۋدى كەڭەس ەتەدى.
توتەنشە جاعداي تۋىنداعاندا «112» تەلەفونىنا قوڭىراۋ شالۋ كەرەك.
ەستەرىڭىزگە سالا كەتەيىك, 25 قاراشا كۇنى تاڭەرتەڭ ەلوردا كوشەلەرىنىڭ قارىن كۇرەۋگە 2,5 مىڭعا جۋىق جول جۇمىسشى شىعىپ, 1000-نان استام ارنايى تەحنيكا جۇمىلدىرىلعان ەدى.
