جوبانى جانداندىراتىن كەلىسسوز

«قازاقستان-قىتاي حالىق­ارالىق ونەركاسىپ قالاسى» جو­باسى ەكى ەل اراسىنداعى ين­دۋستريالىق-يننوۆاتسيالىق ىن­تى­ماقتاستىق جوبالارىنىڭ تىزىمىنە ەنگىزىلگەن. ونىڭ ۇستىنە «جىبەك جولى» ەكونوميكالىق بەلدەۋىنىڭ قۇرىلىسىن جۇزەگە اسىرۋداعى ماڭىزى ەلەۋلى. ين­ۆەستوردىڭ جەكە قاراجاتى ەسە­بىنەن 65،5 ملن تەڭگەگە جول جانە ينجەنەرلىك ينفراقۇرىلىم قۇرىلىسىن جۇرگىزۋ جوسپار­لانعان. ينۆەستيتسيانىڭ كۇتىلەتىن جالپى كولەمى – 330 ملرد تەڭگە.

وسى رەتتە «قورعاس – شىعىس قاقپاسى» ارنايى ەكونوميكا­لىق ايماعىندا قولعا الىنعان «قازاقستان-قىتاي حالىقارالىق ونەركاسىپ قالاسى» تەحنوپاركى قۇرىلىسىنىڭ جوباسىن باس­تا­عان ينۆەستورلارمەن وبلىس اكىمى بەيبىت يساباەۆ ونلاين-رەجىمدە كەزدەسۋ وتكىزدى. ىسكەرلىك جيىن بارىسىندا تاراپتار ىندەت كەزىندە توقتاپ قالعان جوبانىڭ ىسكە اسىرىلۋ جۇمىستارىن قايتا جانداندىرۋ ماسەلەسىن تال­قى­لادى. سونىمەن قاتار جىل سو­ڭىنا دەيىن جوباعا قاتىستى ءىس-شارالار مەن ولاردىڭ ناقتى مەرزىمى كورسەتىلگەن ەكىجاقتى مەموراندۋمعا قول قويۋعا كەلىستى.

جەتىسۋ وبلىسى اكىمىنىڭ ءباس­پا­سوز قىزمەتىنىڭ مالىمەتىنشە، «قورعاس – شىعىس قاقپاسى» ار­نايى ەكونوميكالىق ايماعى ءوڭىردى دامىتۋدىڭ ستراتەگيالىق ماڭىزدى نۇكتەسى. بۇل – قىتايمەن، ەۋرازيالىق وداق ەلدەرىمەن، ورتالىق ازيا جانە وڭتۇستىك كاۆكاز ەلدەرىمەن اراداعى تاۋار لەگى توعىسىندا ورنالاسقان ءىرى كولىك-لوگيستيكالىق حاب. قازىرگى قالىپتاسىپ وتىرعان گەوساياسي جاعدايلار مەن لوگيستيكالىق شەكتەۋلەردى ەسكەرسەك، اتالعان حابقا سۇرانىس كۇننەن-كۇنگە ارتىپ كەلەدى.

بۇگىندە ارنايى ەكونوميكالىق ايماقتىڭ بىرىڭعاي رەەسترىندە جالپى قۇنى 5 ءجۇز ملرد تەڭگە بولاتىن جوباسى بار 34 قاتىسۋشى تىركەلگەن. سونىڭ ىشىندە 48،4 ملرد تەڭگەنى قۇرايتىن 11-ءى ىسكە اسقان.

ء«بىز ەكى جىلعا سوزىلعان كورو­ناۆيرۋس ىندەتى كەزىندەگى شەك­تەۋلەردىڭ جوبانى ىسكە اسىرۋعا كەرى اسەرىن تيگىزگەنىن جاقسى تۇسىنەمىز. قازىر الەمدە ەپيدەميالىق جاعداي تۇ­راقتى. ازىرگە يندۋستريالدى پارك سالۋ جوباسىنا قاتىستى نەگىزگى جۇمىستار نەبارى 10 پا­يىز شاماسىندا عانا ورىندالدى. بۇدان بولەك، جەكە قاراجات ەسەبىنەن جول جانە ينجەنەرلىك ينفراقۇرىلىم قۇرىلىسىن جۇرگىزۋ جوسپارلانعان. جۇمىس­تىڭ مەجەلەنگەن اۋقىمىن جانە جوبانى ىسكە اسىرۋ مەرزىمى 2025 جىلدىڭ قازانىنا دەيىن دەپ بەلگىلەنگەنىن ەسكەرسەك، بۇ­گىن­گە دەيىن وتكىزىپ العان ۋاقى­تى­مىزدىڭ ورنىن تولتىرۋ وتە ماڭىزدى. ءبىزدىڭ الدىن الا جا­سال­عان كەلىسىمدەرىمىزگە سايكەس جوبانى قايتا جانداندىرۋعا قاتىستى ءىس-شارالار مەن ولاردىڭ ناقتى مەرزىمى كورسەتىلگەن ەكى­جاقتى مەموراندۋمعا وسى جىل­دىڭ سوڭىنا دەيىن قول قويۋدى ۇسىنامىن، دەدى ب.يساباەۆ.

ءوز كەزەگىندە «قازاقستان-قى­تاي حالىقارالىق ونەركاسىپ قا­لا­سىنىڭ» توراعاسى ي.فاتسزيۋن وبلىس باسشىسىنا كەز­دە­سۋ­دى ۇيىمداستىرعانى ءۇشىن العى­سىن ءبىلدىرىپ، جوباعا قاتىستى جۇ­مىس­تاردىڭ جالعا­سىپ جاتقا­نىنا سەندىردى. اتاپ ايتقاندا، تەحنو­پاركتىڭ باس جوس­پارى مەن ىشكى جوبالارى دايىن. سو­عان ساي قىتاي كومپا­نيا­لا­رى­نىڭ وكىلدەرىمەن كەزدەسۋلەر وتكىزىلدى.

«ەڭ الدىمەن جوباعا جان-جاقتى نازار اۋدارعاندارىڭىزعا العىس ايتامىز. وسىدان ەكى اي بۇرىن «قورعاس – شىعىس قاقپاسى» اەا وكىلدەرىمەن وسى جوبانىڭ باعىتتارىن بىرلەسىپ تالقىلادىق. جوبانى جانداندىرۋ ءۇشىن كەلەسى ايدا سىزدەرگە بارىپ، ىنتىماقتاستىق تۋرالى مەموراندۋم جاساسۋعا دايىنبىز. ءبىز ءوز تاراپىمىزدان جۇمىس بارىسىندا تۋىنداعان اكىمشىلىك ماسەلەلەردى دەر كەزىندە شەشىپ وتىرۋ ءۇشىن مەموراندۋمعا سىز­دەر­دەن لوگيستيكالىق ورتالىقتىڭ فيليالىن قۇرۋ تۋرالى تارماق قوسۋدى ۇسىنامىز»، دەدى ول.

اتالعان ۇسىنىسقا وبلىس اكىمى وڭ باعا بەردى. فيليال قۇرىپ، ەكى تاراپتان دا جۇمىس تو­بىن جاساقتاۋدى ۇسىندى. بۇل توپ جوبا شەڭبەرىندە كۇندەلىكتى ءوزارا بايلانىسىپ وتىرماق. مۇنداي جۇمىس جوبانىڭ ىسكە اسىرىلۋ قارقىنىنا وڭ ىقپال ەتەرى انىق. سول سياقتى وبلىس اكىمى قىتاي دەلەگاتسياسىنىڭ جۇمىس ساپارىنا دەيىن تاعى ءبىر مارتە ونلاين فورماتتا جيىن وتكىزۋ قاجەتتىگىن ايتتى.

«جوبانى ىسكە اسىرۋدى جىلدامداتۋ تۋرالى ويىمىز ءبىر جەردەن شىققانى قۋانتادى. ءبىزدىڭ وبلىسقا جۇمىس ساپارى بارىسىندا ەكىجاقتى مەموراندۋمعا قول قويامىز. سونداي-اق ءبىز ءوز تاراپىمىزدان «قورعاس – شىعىس قاقپاسى» ارنايى ەكونوميكا­لىق ايماعىندا ءوندىرىس سالاسى بو­يىنشا جانە ءبىزدىڭ وبلىس پەن سيامەن قالاسىنىڭ اراسىنداعى ىنتىماقتاستىقتى دامىتۋعا ار­نالعان حالىقارالىق فورۋم­دى ۇيىمداستىرۋعا قولداۋ كور­سەتۋگە دايىنبىز. بۇگىنگى ونلاين كەزدەسۋىمىز مازمۇندى بول­دى. ىنتىماقتاستىعىمىز ناتي­جەلى بولادى دەپ سەنەمىن»، دەدى ب.يساباەۆ.

جەتىسۋ وبلىسى