ونى «الاتاۋ» سپورت كەشەنىنىڭ اۋدانىندا سەرۋەندەپ جۇرگەن ەلەنا شەلەستيۋك ەسىمدى قالا ترعىنى بايقاپ قالعان.
– وكىنىشكە قاراي, مەن جۇزە المايمىن, بىراق قازىر سەنى الىپ شىعامىز دەپ بارىنشا بالانى جىگەرلەندىرۋگە تىرىستىم. وسى ساتتە مەن بالاعا مۇزدى سۋدان شىعۋعا كومەكتەسۋ ءۇشىن جولعا جۇگىرىپ, كولىكتەردى توقتاتا باستادىم. سودان كەيىن بەي-جاي قارامايتىن جۇرگىزۋشىلەرمەن بىرگە بالانى وزەننەن شىعارىپ الدىق. بۇل وڭاي بولعان جوق – بالانىڭ كيىمى سۋ بولىپ قالعان, اۋىر ريۋكزاگى ابدەن سۋعا تولىپ ونى تومەن قاراي تارتقان, ونىڭ ۇستىنە بالا قاتتى قورقىپ قالعاندىعى سونشا ول ءوز بەتىنشە كۇرەسە الماعان. سوعان قاراماستان, ءبىز بالانى جاعاعا شىعارىپ الدىق, – دەپ ەسكە الادى ەلەنا ۆيكتوروۆنا.
سودان كەيىن بالا دەرەۋ اۋرۋحاناعا جەتكىزىلگەن. وندا وعان قاجەتتى مەديتسينالىق كومەك كورسەتىلدى. قازىر دارىگەرلەر ونىڭ جاعدايىن تۇراقتى دەپ باعالادى.
«كامەلەتكە تولماعان بالا جاتتىعۋدان شىققاننان كەيىن وزەننىڭ بويىمەن ۇيىنە بارا جاتقان ساتتە مۇزدا وتىرعان مىسىقتى بايقاعان. بالا مىسىققا قاراي جاقىنداپ, جۇقا مۇزدى باسقان بەتتە مۇز بىردەن جارىلىپ, بالا سۋعا ءتۇسىپ كەتكەن», دەپ جازىلعان ءىىم تاراتقان حابارلامادا.
بالانىڭ اناسى مەن پوليتسيا قىزمەتكەرلەرى ادام ءومىرىن ساقتاپ قالعانى ءۇشىن باتىل ايەلگە العىس ءبىلدىردى.
استانا قالاسى پد باستىعى مارات تولەباەۆتىڭ اتىنان ەرجۇرەك قالا تۇرعىنىن الماتى اۋدانى پب باستىعى سەرىك ءابۋتالىپوۆ قول ساعاتپەن ماراپاتتادى.
