2022 جىلدىڭ 1 قاراشاسىنداعى جاعداي بويىنشا ەلوردانىڭ 187 530 تۇرعىنى 13 ملرد تەڭگەگە تەگىن ءدارى-دارمەكپەن قامتىلدى.
«ونىڭ ىشىندە ءمامس جۇيەسىندە ءدارى-دارمەكپەن قامتىلعان بالالار: ءجىتى رەسپيراتورلىق ينفەكتسيامەن – جوعارعى تىنىس جولدارىنىڭ اۋرۋلارى بويىنشا – 2 107 بالا جانە تومەنگى تىنىس جولدارىنىڭ اۋرۋلارى بويىنشا – 6 136 بالا; تەمىرجەتىسپەۋشىلىگى انەمياسىمەن - 972 بالا; پنەۆمونيامەن 1583 بالا; سينۋسيتپەن/بادامشا بەزى (ميندالين) جانە ادەنويد اۋرۋلارىمەن 444 بالا, ت.ب.», دەپ ءتۇسىندىردى امسق ەلوردا فيليالىنىڭ ديرەكتورى ن.قابدىقاپاروۆ.
امبۋلاتوريالىق قامتاماسىز ەتۋ بۇيرىعىنا سايكەس, ەمحانا ءدارىحانالارىندا ءمامس جۇيەسىندە تەگىن بەرىلەتىن بارلىق (انتيبيوتيكتەر, ىستىق تۇسىرەتىن پرەپاراتتار, تەمىرقۇرامدى پرەپاراتتار, سونداي-اق باسقا دا سپەتسەفيكالىق پرەپاراتتار جانە ت.ب.) قاجەتتى دارىلەر بار.
