قر قما ادام رەسۋرستارى دەپارتامەنتىنىڭ ديرەكتورى نۇرلان اداليەۆ بۇل فاكتىلەردى بارلىق مەملەكەتتىك ورگاندار تەكسەرگەنىن ايتتى. ول قارجى مونيتورينگى اگەنتتىگىنە قاتىستى فاكتىلەرگە ەگجەي-تەگجەيلى توقتالدى.
«شىنىندا دا, اتالعان شولۋدا بىرقاتار قىزمەتكەر اتاپ ءوتىلدى. بۇل فاكتىلەردىڭ بارلىعى تەكسەرىلدى. وندا ءتورت قىزمەتكەر رەسمي ءىس-شارالارعا بايلانىستى بولعان. وزدەرىڭىز بىلەتىندەي, بۇل زاڭمەن قاراستىرىلعان. ءتيىستى تەرگەۋ جۇرگىزدىك. ەكى قىزمەتكەرگە قاتىستى فاكتىلەر راستالدى. بۇل قىزمەتكەرلەر قىزمەتتىك تالاپتاردى تولىق ورىنداماعانى تۋرالى ەسكەرتۋ تۇرىندەگى قاتاڭ تارتىپتىك جاۋاپكەرشىلىككە تارتىلدى», دەدى قر قما كادر ءبولىمىنىڭ باسشىسى ورتالىق كوممۋنيكاتسيالار قىزمەتىندە وتكەن بريفينگتە.
قما قىزمەتكەرلەرىنە قاتىستى باسقا فاكتىلەرگە كەلەتىن بولساق, نۇرلان اداليەۆتىڭ ايتۋىنشا, بارۋ جانە تەكسەرۋ كەزىندە قالعان قىزمەتكەرلەر قارجى مونيتورينگى اگەنتتىگىندە جۇمىس ىستەمەيتىن بولىپ شىقتى.
