23 قاراشا كۇنى ساعات 11:40 شاماسىندا «قازفوسفات» كومپانياسىنىڭ قىزمەتكەرلەرى اراسىندا تۇسىنىسپەۋشىلىك تۋىندادى. تسيفرلىق ترانسفورماتسيا باسقارماسىنىڭ باستىعى ارىپتەستەرىنە دورەكى سويلەگەنى انىقتالدى.
جامبىل وبلىسى اكىمىنىڭ ءبىرىنشى ورىنباسارى نۇرجان كالەندەروۆ, وبلىس اكىمىنىڭ ورىنباسارى قاناتبەك مادىبەك, وبلىس پروكۋرورىنىڭ ورىنباسارى نۇربەك ۇلاسبەك ۇلى قىزمەتكەرلەرمەن كەزدەسىپ, ءتۇسىندىرۋ جۇمىستارىن جۇرگىزدى.
«قازفوسفات» جشس تسيفرلىق ترانسفورماتسيا باسقارماسىنىڭ باستىعى ارىپتەستەرىنەن كەشىرىم سۇرادى. باسقارمادا اتاپ وتىلگەندەي, ول اتقاراتىن قىزمەتىنەن بوساتىلدى.
ايتا كەتسەك, زاۋىتتا جينالعان قىزمەتكەرلەر سانى 200 ادامدى قۇرادى.
«اتالعان فاكت بويىنشا 20 ەرىكتى قىزمەتكەردەن تۇراتىن جۇمىس توبى قۇرىلدى. توپ قۇرامىنا تسەح باسشىلارى مەن كاسىپوداق وكىلدەرى كىردى», دەلىنگەن ەڭبەك ينسپەكتسياسى باسقارماسى تاراتقان حابارلامادا.
قازىرگى ۋاقىتتا كاسىپورىنداعى جاعداي تۇراقتى. وبلىس اكىمى جاعدايدى جەكە باقىلاۋدا ۇستايتىنىن حابارلادى.
