بۇعان دەيىن ورتالىق سايلاۋ كوميسسياسىنىڭ وتىرىسىندا قازاقستان رەسپۋبليكاسىنىڭ سايلانعان پرەزيدەنتى قاسىم-جومارت توقاەۆتىڭ انت بەرۋ ءراسىمى 2022 جىلعى 26 قاراشاعا بەلگىلەنگەنى بەلگىلى بولدى.
« ۇلىقتاۋ راسىمىنە قابىلداۋشى ەلدە تىركەلگەن ديپلوماتيالىق كورپۋس, ياعني ەلشىلەر شاقىرىلدى. ءدال وسىنداي تەتىك 2019 جىلى ۇلىقتاۋ راسىمىندە دە قولدانىلعان بولاتىن», دەدى سىرتقى ىستەر ءمينيسترىنىڭ ورىنباسارى ءماجىلىستىڭ جالپى وتىرىسىندا.
ءبىر كۇن بۇرىن قر پرەمەر-ءمينيسترىنىڭ ورىنباسارى – قارجى ءمينيسترى ەرۇلان جاماۋباەۆ پرەزيدەنتتى ۇلىقتاۋ راسىمىنە بيۋدجەتتەن قوسىمشا قارجى بولىنبەيتىنىن ايتقان بولاتىن.
وسك حالىق سايلاعان قاسىم-جومارت توقاەۆتى قازاقستان رەسپۋبليكاسىنىڭ پرەزيدەنتى ەتىپ تىركەدى. وعان زاڭدا بەلگىلەنگەن تارتىپپەن كۋالىك تابىس ەتتى.
سوڭعى قورىتىندى بويىنشا قاسىم-جومارت توقاەۆقا 6 ميلليون 456 مىڭ 393 سايلاۋشى, ياعني 81,31 پايىزى داۋىس بەردى. «بارلىعىنا قارسى» دەگەن باعاندى 460 مىڭ 484 سايلاۋشى, ياعني 5,8% تاڭداعان.
