ءسۇت 28,3 پايىزعا, ءسۇت كونسەرۆىلەرى 39,2 پايىزعا, اشىتىلعان ءسۇت ونىمدەرى 29,2 پايىزعا قىمباتتاعان. وڭىرلىك تۇرعىدا ءسۇت ونىمدەرى باعاسىنىڭ ءوسۋى ماڭعىستاۋ, قاراعاندى, شىمكەنت وبلىستارىندا بايقالدى.
بيىلعى جىلدىڭ قاڭتار-قازان ايلارىندا ءسۇت ونىمدەرىن ءوندىرۋ 396 ملرد تەڭگەگە جەتتى, بۇل وتكەن جىلمەن سالىستىرعاندا قۇندىق ماندە 15,8 پايىزعا ارتىق.
سونداي-اق وڭدەلگەن سۇيىق ءسۇت پەن كىلەگەي ءوندىرىسى 6,2 پايىزعا, 472,5 مىڭ تونناعا, سارى ماي مەن سىدىرما – 9 پايىزعا, 20,9 مىڭ تونناعا, ءسۇت سىدىرمالارى – 26,6 پايىزعا, 4,7 مىڭ تونناعا, ىرىمشىك 2,5 پايىزعا, 30,5 مىڭ تونناعا دەيىن, قويۋلاندىرىلعان ءسۇت پەن كىلەگەي – 5,5 پايىزعا, 7 مىڭ تونناعا دەيىن, يوگۋرت – 3 پايىزعا, 191,7 مىڭ تونناعا دەيىن, شۇبات – 37,5 پايىزعا, 2,4 مىڭ تونناعا دەيىن ءوستى.
وسى جىلدىڭ قاڭتار-تامىز ايلارىنىڭ قورىتىندىسى بويىنشا جەرگىلىكتى كاسىپورىندار وڭدەلگەن سۇيىق ءسۇت پەن كىلەگەيگە سۇرانىستى (ىشكى نارىقتاعى ساتۋ پليۋس ەكسپورت) 96 پايىزعا قامتاماسىز ەتتى. وسى كەزەڭدە ەلىمىزدە 373,4 مىڭ توننا ءونىم وندىرىلسە, يمپورت – 15,6 مىڭ توننا. ونىڭ 10,1 مىڭ تونناسى ەكسپورتقا شىعارىلسا, قالعان 378,8 مىڭ تونناسى ىشكى نارىققا ساتىلدى.
