جالپى قاراپايىم حالىقتىڭ سايلاۋ مادەنيەتىنىڭ ءوسۋى, سايلاۋ قۇقىعىنىڭ جوعارى بولۋى تۇپكى ناتيجەگە اسەر ەتەدى. بۇگىندە كوپتەگەن ماسەلە شەشىمىن تاۋىپ جاتىر. قاڭتار وقيعاسىنان كەيىن كونستيتۋتسياعا بىرقاتار وزگەرىس پەن تولىقتىرۋ ەنگىزىلدى. ءبىز قازىر ادام قۇقىعىن قورعاۋ فۋنكتسياسىنىڭ ارتىپ كەلە جاتقانىن, كونستيتۋتسيالىق سوتتىڭ قۇرىلعانىن, قۇقىقتىق قورعاۋدىڭ جوعارى دەڭگەيىن, ادام قۇقىقتارى جونىندەگى كونستيتۋتسيالىق زاڭنىڭ ۇستەمدىگىن كورىپ وتىرمىز. مۇنىڭ ءبارى بىزدە ازاماتتاردىڭ قۇقىقتارى مەن بوستاندىقتارىنىڭ وتە جوعارى قورعالۋىنا ىقپال ەتەدى. جالپىحالىقتىق رەفەرەندۋمنان كەيىن قولعا الىنعان ءبىر عانا فاكتورعا توقتالساق. ماسەلەن, بوس جاتقان جەرلەردى مەملەكەت يگىلىگىنە قايتارۋ, جەر قويناۋى بايلىعىنىڭ حالىققا تيەسىلى بولۋى – وتە ماڭىزدى رەفورمالار.
ءبىز بۇل ماسەلەنى بىرنەشە رەت تالقىلاپ, ونىڭ ىسكە اساتىنىن ايتقان ەدىك. وسى رەفورمالاردىڭ بارلىعى ناتيجەلى ىسكە اسسا, ەلىمىزدىڭ بولاشاعى – وسكەلەڭ ۇرپاق تابىسقا يە بولماق. تۇسىنە بىلگەن جانعا بۇل دا اۋقىمدى شارۋا. حالىقتىڭ ءال-اۋقاتى كوپتەگەن ەلدەردەگىدەي, سونىڭ ىشىندە اراب ەلدەرىندەگىدەي وسەتىنىنە كۇمانىم جوق. كىرىس كوبەيىپ, ازاماتتارىمىز جەر قويناۋىنداعى پايدالى قازبالاردان تابىس تابادى. الايدا نەگىزگى سۇرانىس – الەۋمەتتىك ادىلەتتىلىك پەن وليگارحيامەن كۇرەسكە قاتىستى. ەگەر ادىلەت سالتانات قۇرىپ, شەتەلدەگى قارجى تولىق قايتارىلسا, قوعام ونى قۋانا قابىلدايدى. ەگەر قوعامنىڭ ءۇمىتى اقتالسا, بولاشاقتا سايلاۋشىلاردىڭ تۇلعالاردى قولداۋى بۇدان دا ارتادى دەپ سانايمىن.
ەركىن وڭعارباەۆ,
زاڭ عىلىمدارىنىڭ دوكتورى, پروفەسسور
