قالالىق تجد بۇگىندە مۇزدىڭ قالىڭدىعى 2-4 سم-گە جەتكەنىن ەسكە سالدى, سوندىقتان وعان شىعۋ قاۋىپتى.
ءبىر ادامعا ارنالعان مۇزدىڭ قاۋىپسىز قالىڭدىعى كەمىندە 7 سم-دەن كەم بولماۋى ءتيىس. ال جاياۋ وتكەلدەردىڭ قالىڭدىعى 15 سم بولۋى كەرەك.
سۋ قويماسىنداعى مۇزدىڭ قالىڭدىعى بارلىق جەردە بىردەي ەمەس, وزەندەردىڭ ساعالارى مەن سالالارىندا مۇزدىڭ بەتى السىرەيدى.
تجد قىزمەتكەرلەرىنىڭ ايتۋىنشا, مۇزدىڭ بەرىكتىگىن كوزبەن انىقتاۋعا بولادى: كوك مۇز – بەرىك; اق بولسا ونىڭ بەرىكتىگى 2 ەسە از; سۇر, كۇڭگىرت اق نەمەسە سارعىش رەڭكتى مۇز سەنىمسىز.
سۋعا باتىپ كەتسەڭىز نە ىستەۋ كەرەك:
- ۇرەيلەنبەڭىز, كەنەتتەن قيمىل جاساماڭىز, تىنىس الۋدى تۇراقتاندىرىڭىز.
- قولدارىڭىزدى ەكى جاققا جايىپ, دەنەڭىزگە اعىس باعىتىندا كولدەنەڭ پوزيتسيا بەرىپ, مۇزدىڭ شەتىنە ىلىنۋگە تىرىسىڭىز.
- كەۋدەڭىزدى مۇزدىڭ شەتىنە اقىرىن قويىپ كورىڭىز جانە ءبىر اياعىڭىزدى, سودان كەيىن ەكىنشى اياعىڭىزدى مۇزعا لاقتىرىڭىز.
- ەگەر مۇز توتەپ بەرسە, باياۋ جورعالاڭىز نەمەسە جاعاعا قاراي دومالاڭىز.
- قاي جاقتان كەلدىڭىز سول جاققا قاراي جورعالاڭىز, ويتكەنى مۇنداعى مۇز قازىردىڭ وزىندە بەرىكتىككە تەكسەرىلگەن.
تجد قىزمەتى قاۋىپسىزدىك ەرەجەلەرىن قاتاڭ ساقتاۋعا شاقىرادى.
