ۇيىمنىڭ مالىمەتىنشە, ەڭ كوپ سۇرانىسقا يە اۋىل شارۋاشىلىعى سالاسىنداعى بىلىكتى ماماندار.
«جىل سايىن ءبىز كاسىپورىندارعا كادر قاجەتتىلىگىنە بايلانىستى ساۋالناما جۇرگىزەمىز. بيىل 1700 جۇمىس بەرۋشىگە ساۋالناما جۇرگىزىلدى. كادرعا دەگەن قاجەتتىلىك قىزمەتتىڭ ءارتۇرلى سالالارىنداعى 5516 ماماندى قۇرادى, ونىڭ ىشىندە بيىلعى جىلى 2481 مامان تىركەلدى. ال, ەڭ كوپ سۇرانىسقا يە اۋىل شارۋاشىلىعى سالاسىندا ءبىلىمى بار جۇمىسشىلار. مىسالى, «تراكتوريست» ءبىرىنشى ورىندا. كاسىپكەرلىك سۋبەكتىلەرىمەن كادر دايارلاۋ ماسەلەلەرىن تالقىلاعاننان كەيىن ءبىز بىرقاتار تاجىريبەلىك سەمينارلار وتكىزۋگە شەشىم قابىلدادىق», دەدى وبلىستىق كاسىپكەرلەر پالاتاسىنىڭ ديرەكتورى تيمۋر بەكەەۆ.
وسىعان بايلانىستى كاسىپتىك پەداگوگيكالىق كوللەدج بازاسىندا تەحنيكالىق جانە كاسىپتىك ءبىلىم بەرۋ ۇيىمدارىنىڭ ينجەنەرلىك-پەداگوگيكالىق قىزمەتكەرلەرىنىڭ بىلىكتىلىگىن ارتتىرۋعا باعىتتالعان سەمينار-پراكتيكۋم ءوتتى.
