ساراپشىلار: ەۋرازيالىق وداقتىڭ تيىمدىلىگى بىرتىندەپ بىلىنەدى

استانا. 30 مامىر. ەۋرازيالىق ەكونوميكالىق وداقتىڭ (ەاەو – رەسەي, قازاقستان, بەلارۋس) قۇرىلۋى جونىندەگى كەلىسىمگە قول قويىلۋى ەلدەردىڭ ەكونوميكالىق جاعدايلارىنا جاقىن كەلەشەكتە بىردەن جاقسى اسەر ەتە قويمايدى. الايدا, بولاشاقتا ولاردىڭ دامۋىنا ايتارلىقتاي وڭ سەرپىن بەرەدى. رەسەي جانە بەلورۋس ساراپشىلارى قازىر وسىنى ايتىپ وتىر. بۇل تۋرالى ريا «نوۆوستي» حابارلادى. رەسەي, بەلارۋس جانە قازاقستان مەملەكەتتەرىنىڭ پرەزيدەنتتەرى كەشە, بەيسەنبى كۇنى استانادا 2015 جىلدىڭ 1 قاڭتارىنان باستاپ ىسكە كىرىسەتىن ەاەو (ەۋرازيالىق ەكونوميكالىق وداق) قۇرۋ جونىندەگى كەلىسىمگە قول قويدى. رەسەي عىلىم اكادەمياسى حالىق شارۋاشىلىعىن بولجاۋ ينستيتۋتى ديرەكتورىنىڭ ورىنباسارى الەكساندر شيروۆ بۇل ينتەگراتسيالىق بىرلەستىكتى قۇرۋدىڭ ماقساتى «ءبىرتۇتاس ونەركاسىپ, ەكونوميكا, بالكىم, ءتىپتى قارجى ساياساتىن قالىپتاسترۋ, سونداي-اق ءۇش ەلدىڭ ەنشىسىندەگى رەسۋرستاردى جيناقتاۋ, وزدەرى ءۇشىن دامۋعا مەيلىنشە ءتيىمدى باعىتتاردى تاڭداپ الۋ بولعان». ساراپشى رەسەي, بەلارۋس جانە قازاقستان اراسىنداعى ينتەگراتسيا ۇدەرىسى بىرنەشە جىلدان بەرى ءجۇرىپ كەلە جاتقانىن, سوندىقتان ەاەو-نى قۇرعاننان كەيىن ەشقانداي كۇرت وزگەرىستەردىڭ بولا قويمايتىنىن اتاپ ءوتتى. «ءبىز ساۋداداعى كەدەرگىلەردى الىپ تاستاۋدىڭ ءبىرىنشى كەزەڭىن 2011-2012 جىلدارى جۇرگىزدىك. سول ساتتە ءبىز ءوزارا تاۋار اينالىمىنىڭ جارقىلىن كوردىك. جالت ەتكەن ءماۋرىت ءوتىپ كەتتى. ەندىگى تيىمدىلىك, بالكي, ەلدەر اراسىنداعى ەكونوميكالىق دامۋ دەڭگەيىنىڭ تەڭەسۋىنە بايلانىستى تۋىندايتىن شىعار», - دەدى شيروۆ. وسى كوزقاراسپەن بەلارۋس عىلىم اكادەمياسى ەكونوميكا ينستيتۋتىنىڭ ءبولىم مەڭگەرۋشىسى الەكساندر لۋچەنوك تا كەلىسەدى. «كەلىسىمدى ءبىزدىڭ ەلدەرىمىز ينتەگراتسياسىنىڭ ماڭىزدى قۇرامداس بولىگى بولىپ تابىلاتىنىن ايتۋعا بولادى, بىراق جاڭا جىلدان باستاپ ونىڭ ىسكە قوسىلۋىنا بايلانىستى ءبىزدىڭ مەملكەتتەرىمىز اراسىنداعى ءپرينتسيپتى قارىم-قاتىناستاردا بىردەن وزگەرىس بولا قالادى دەپ كۇتۋدىڭ قاجەتى جوق شىعار», - دەپ اتاپ ءوتتى ول اگەنتتىك تىلشىسىنە. عالىم سونىمەن بىرگە كەلىسىمنىڭ ۇلكەن جەتىستىكتەرىنىڭ ءبىرى «ەلدەر اراسىنداعى قالىپتاسىپ قالعان قارىم-قاتىناستاردى بىردەن وزگەرتىپ جىبەرۋگە باعىتتالماعانى ەكەنىنە نازار اۋداردى. الەكسەي شيروۆتىڭ بولجامىنشا, ۇشتىك ەلدەرى اراسىندا ەۋرازيالىق ەكونوميكالىق وداققا مۇشە بولۋدان ەڭ كوپ ۇتىسقا جەتەتىنى بەلارۋس, ۇتىعى بارىنشا ازى رەسەي بولماقشى. «مەنىڭشە, مۇندا بارىنشا كوبىرەك تيىمدىلىك تاباتىنى بەلارۋس ەكونوميكاسى, ال ازى رەسەي بولادى. بىراق بۇل رەسەي ءۇشىن دە ءپرينتسيپتى تۇرعىدان اسا ماڭىزدى, سەبەبى, وسى وداق ءبىزدىڭ ءوز رەسۋرستارىمىزدى بارىنشا ءتيىمدى پايدالانۋىمىزعا ىقپال جاسايدى», - دەدى ول. مۇرات ايتقوجا. دەرەككوز: ريا «نوۆوستي» فوتو: ريا «نوۆوستي». ميحايل كليمەنتەۆ.