سايلاۋ • 20 قاراشا، 2022

حالىقارالىق باقىلاۋشىلار ەسەپ بەردى

الماتى قالاسى بويىنشا قر پرەزيدەنتىنىڭ سايلاۋىن جاريالاۋ جونىندەگى ءباسپاسوز ورتالىعىنىڭ الاڭىندا سايلاۋ پروتسەسىن باقىلاۋ ماسەلەسى بويىنشا ءباسپاسوز كونفەرەنتسياسى ءوتتى، دەپ جازادى Egemen.kz.

گۇلبارشىن ايتجانبايقىزى

سپيكەر رەتىندە سۆەردلوۆ وبلىسى زاڭ شىعارۋ جينالىسىنىڭ وڭىرلىك ساياسات جانە جەرگىلىكتى باسقارۋدى دامىتۋ جونىندەگى كوميتەتىنىڭ توراعاسى ميحايل ۆالەرەۆيچ زۋبارەۆ ءسوز سويلەدى.

سپيكەر سايلاۋ كۇنى الماتىدا بولعان بارلىق 17 سايلاۋ ۋچاسكەسىندە داۋىس بەرۋ راسىمدەرى قازاقستان رەسپۋبليكاسىنىڭ كونستيتۋتسياسىنا جانە «سايلاۋ تۋرالى» زاڭىنا سايكەس وتكەنىن اتاپ ءوتتى.

«بارلىق ۋچاسكەلەردە ءبىزدىڭ ميسسيامىزدان باسقا دا ۇلتتىق باقىلاۋشىلار مەن كانديداتتاردىڭ وكىلدەرى كوپ بولدى. مەن ولارمەن سويلەستىم، ولاردىڭ ەشقايسىسى ەشقانداي ەسكەرتۋلەر تىركەگەن جوق. بۇل سايلاۋ پروتسەدۋراسى زاڭدى دەگەندى بىلدىرەدى. قازاقستان رەسپۋبليكاسىنىڭ تۇرعىندارى وسى سايلاۋ ناۋقانىنىڭ ناتيجەلەرىن قابىلدايتىنىنا سەنىمدىمىن. مەن باقىلاعان ۋچاسكەلەردە ەشقانداي زاڭبۇزۋشىلىقتار بولعان جوق»، دەدى م.زۋبارەۆ.

ول سونداي-اق ولاردىڭ ميسسياسىنىڭ مىندەتى-قازاقستان رەسپۋبليكاسى تۇرعىندارىنىڭ ەرىك ءبىلدىرۋ پروتسەسىنە ارالاسۋ ەمەس، تەك داۋىس بەرۋدى قاداعالاۋ ەكەنىن اتاپ ءوتتى.

«سايلاۋ كوميسسياسىنىڭ مۇشەلەرىنە، باقىلاۋشىلارعا جانە سايلاۋشىلارعا قانداي دا ءبىر كەڭەستەر بەرۋ ءبىزدىڭ مىندەتىمىز ەمەس. سايلاۋ ءراسىمىنىڭ ءوزى قازاقستان رەسپۋبليكاسى تۇرعىندارىنىڭ ىشكى ماسەلەسى. حالىقارالىق باقىلاۋشىلار ميسسياسىنىڭ مىندەتى - داۋىس بەرۋ پروتسەسىنىڭ زاڭدىلىعىن راستاۋ. سايلاۋ پروتسەسى كوپ قىرلى جانە قاراپايىم ەمەس6بارى ونىڭ قىر-سىرىن بىلە بەرمەيدى»، دەدى سپيكەر.

م. زۋبارەۆ الماتىنىڭ سايلاۋ ۋچاسكەلەرىنىڭ جابدىقتانۋىنا دا توقتالدى. ول بارلىق ۋچاسكەلەر تولىق جابدىقتالعانىن، مۇمكىندىگى شەكتەۋلى جاندار ءۇشىن داۋىس بەرۋگە جاعداي جاسالعانىن اتاپ ءوتتى.

ء«ار ۋچاسكەدە كوشپەلى داۋىس بەرۋ مۇمكىندىگى قاراستىرىلعان جانە كوپتەگەن ۋچاسكەلەردە ازاماتتار وسى قۇقىقتى پايدالاندى. سايلاۋشىلاردىڭ ەرىك-جىگەرىنە سىرتقى كۇشتەر تاراپىنان ەشقانداي قىسىم بولعان جوق. مۇندا بىزدەن باسقا ميسسيالار مەن ۇلتتىق باقىلاۋشىلار جۇمىس ىستەيدى. سايلاۋ كوميسسيالارىنىڭ جۇمىسى بارىسىندا ەشقانداي بۇزۋشىلىقتار تىركەلگەن جوق»، دەپ قورىتىندىلادى رەسەي فەدەراتسياسىنان كەلگەن سپيكەر.