«داۋىس بەرۋ ۆاشينگتوندا, نيۋ-يوركتە, وتتاۆادا باستالدى. سان-فرانتسيسكوداعى تاعى ءبىر سايلاۋ ۋچاسكەسى ۋاقىت بەلدەۋىن ەسكەرە وتىرىپ, كەيىنىرەك اشىلادى», دەدى شاۆكات وتەمىسوۆ ورتالىق سايلاۋ كوميسسياسىندا وتكەن بريفينگتە.
ەسكە سالايىق, قازاقستاندا تاڭعى ساعات 07.00-دەن باستاپ ەلدەگى پرەزيدەنت سايلاۋىنا داۋىس بەرۋ ءراسىمى باستالدى. داۋىس بەرۋگە ەل بويىنشا بارلىق 10 033 سايلاۋ ۋچاسكەسى قاتىسۋدا. شەتەلدەگى 68 سايلاۋ ۋچاسكەسىنىڭ بارلىعىندا داۋىس بەرۋگە بولادى. اقش پەن كاناداداعى بولىمدەر ۋاقىت ايىرماشىلىعىنا بايلانىستى كەيىنىرەك جۇمىسىن باستادى.
