– بۇل سايلاۋدىڭ ماڭىزى ايرىقشا. مەن ەلىمىزدىڭ جارقىن بولاشاعى ءۇشىن, ۇرپاقتارىمىزدىڭ كەلەشەگى ءۇشىن داۋىس بەردىم. مەملەكەتىمىزدىڭ تاۋەلسىزدىگىن نىعايتىپ, ءوسىپ-وركەندەتۋ قانداي ماڭىزدى بولسا, وسى ۇلى مىندەتتەردى ىسكە اسىراتىن پرەزيدەنتىمىزدى تاڭداپ داۋىس بەرۋ دە ۇلكەن مىندەت. سايلاۋعا قاتىسىپ, تاڭداۋىن جاساپ, داۋىس بەرۋ ءاربىر ازاماتتىڭ پارىزى دەپ بىلەمىن. قازاقستانىمىز دامي بەرسىن, ەل-جۇرتىمىزدىڭ اۋىزبىرشىلىگى مىعىم بولسىن, - دەيدى بيسەن بوقاەۆ.
بيسەن بوقاەۆ 1942-1944 جىلدارى شەكارا قىزمەتىندە اسكەري مىندەتىن وتەگەن. 1944 جىلدىڭ ءساۋىر ايىنان 2-ءشى ۋكراين مايدانىندا بولىپ, ياسسى-كيشينەۆ وپەراتسياسىنا, بەسسارابيا مەن رۋمىنيانى ازات ەتۋ ۇرىستارىنا قاتىسقان. سوعىس بىتكەن سوڭ شەكارا اسكەرلەرىندە قىزمەتىن جالعاستىردى. «قىزى تۋ», «II دارەجەلى وتان سوعىسى», «جاۋىنگەرلىك ەڭبەگى ءۇشىن» وردەندەرىنىڭ يەگەرى.
