بۇل سايلاۋ ۋچاسكەسىندە ۇلىبريتانيا مەن سولتۇستىك يرلانديادا, سونداي-اق يرلانديا مەن يسلانديادانىڭ تۇراقتى نەمەسە ۋاقىتشا تۇرعىلىقتى ورنى بار, كامەلەتكە تولعان قازاقستاننىڭ ازاماتتارى داۋىس بەرە الادى.
ۆەستمينستەر ۋنيۆەرسيتەتىنىڭ ەكىنشى كۋرس ستۋدەنتى ءاليا ابدىسالىق لوندونداعى سايلاۋ ۋچاسكەسىنە ءبىرىنشى بولىپ كەلگەن سايلاۋشىلاردىڭ ءبىرى بولدى.
«مەنىڭ سايلاۋ ۋچاسكەسىنە ەرتە كەلۋىمە پاتريوتيزم سەبەپ بولدى. ءبىز تاڭداعان ەل پرەزيدەنتى ەلىمىزدەگى جاعدايدى جاقسى جاققا وزگەرتەدى دەپ ويلايمىن», دەدى ءاليا ابدىسالىق.
داۋىس بەرۋ جەرگىلىكتى ۋاقىت بويىنشا 20:00-گە دەيىن (استانا ۋاقىتى بويىنشا 02:00) وتەدى. داۋىس بەرۋ بيۋللەتەندەرى سانالىپ بولعاننان كەيىن داۋىس بەرۋ ناتيجەلەرى بار قاجەتتى قۇجاتتار ورتالىق سايلاۋ كوميسسياسىنىڭ پوشتاسىنا جىبەرىلەدى.
