حالىقارالىق بايقاۋشىلارعا ارنالعان قولعابىس كورسەتۋ ورتالىعىندا وتكەن بريفينگكە قاتىسقان دميتري كوبۋتسكي ساياسي دودادا ەل تۇرعىندارى ەرەكشە بەلسەندىلىك كورسەتەرىنە سەنىمدى.
ء«بىزدىڭ ساراپشىلار سايلاۋ پروتسەسىن رەتتەيتىن بارلىق زاڭنامانى قاراپ شىقتى. ەشقانداي بۇزۋشىلىق انىقتالعان جوق. ۇيىمنىڭ قۇقىقتىق قورىتىندىسىن پارلامەنتتىڭ قوس پالاتاسىنا جانە ورتالىق سايلاۋ كوميسسياسىنا بەردىك. سايلاۋدى رەتتەۋگە قاتىستى دۇنيەلەردىڭ ءبارى قازاقستاننىڭ زاڭناماسىندا كورىنىس تاپقان», دەدى دميتري كوبيتسكي.
ول ميسسيا بايقاۋشىلارى ەلىمىزدىڭ كوپتەگەن وبلىسىندا جانە 13 مەملەكەتتە كۇنى بويى جۇمىس ىستەيتىنىن جەتكىزدى.
«كۇنى بويى كورگەن دۇنيەمىزدىڭ ءبارىن قورىتىندى قۇجاتقا جازاتىن بولامىز. كەشكىلىك بارلىق توپ ونى بەكىتىپ, ەرتەڭ ورتالىق سايلاۋ كوميسسياسىندا ءباسپاسوز ءماسليحاتىن وتكىزەمىز. وندا سايلاۋدىڭ الدىن الا قورىتىندىلارىنان كەيىن ۇيىمنىڭ قورىتىندىمىزدى جاريا ەتەمىز», دەدى ول.
