ايماقتار • 20 قاراشا، 2022

ەل ءۇمىتى – ەرتەڭدە

35 رەت كورسەتىلدى

اقمولا وبلىسىنىڭ ورتالىعىنداعى سايلاۋ ۋچاسكەلەرىندەگى جاۋاپتى ناۋقان ۇيىمشىلدىقپەن ءجۇرىپ جاتىر. اقمولا وبلىستىق سايلاۋ كوميسسياسىنىڭ توراعاسى ماناربەك سادۋوۆتىڭ ايتۋىنا قاراعاندا، تاڭەرتەڭگى ساعات 10-عا دەيىن جالپى سايلاۋشىلاردىڭ 21،24 پايىزى داۋىس بەرىپ ۇلگەرگەن، دەپ جازادى Egemen.kz.

– نۇرەسىل اۋىلىنداعى №642 سايلاۋ ۋچاسكەسىندە ءوز تاڭداۋىمدى جاسادىم. سايلاۋشىلاردىڭ بەلسەندىلىگى جوعارى. ەل بولاشاعىن ايقىندايتىن ساتتە ەشكىم دە سىرت قالمايتىندىعى بەلگىلى. حالىقتىڭ كوڭىل-كۇيى جاقسى، - دەيدى تسەلينوگراد اۋداندىق ءماسليحاتىنىڭ حاتشىسى ءلاززات قونارباەۆا.

سايلاۋدىڭ ءوتۋ بارىسى باقىلاۋشىلاردىڭ نازارىندا. كوكشەتاۋ قالاسىنداعى №3 ورتا مەكتەپتە ورنالاسقان №15 سايلاۋ ۋچاسكەسىندەگى باقىلاۋشى گۇلنۇر مۇحامبەتالينانىڭ ايتۋىنا قاراعاندا، جاۋاپتى ناۋقان بارىنشا ۇيىمشىلدىقپەن وتكىزىلۋدە.

–سايلاۋشىلاردىڭ دەنى تاڭەرتەڭ كەلە باستادى. ۋچاسكەدەگى جاۋاپتى قىزمەتكەرلەر ءوز ىستەرىن جەتىك بىلەدى. ەگدە ادامداردى قۇراق ۇشا قارسى الىپ، قالاي داۋىس بەرۋگە بولاتىندىقتارىن ءتۇسىندىرىپ جاتىر. بارلىعى تالاپقا ساي وتكىزىلۋدە، - دەيدى ول.

كوكشەتاۋ قالاسىنداعى «كوكشەتاۋ» مادەنيەت سارايىندا ورنالاسقان №18 سايلاۋ ۋچاسكەسىندە دە ازاماتتار ءوز تاڭداۋىن جاساۋدا. ۋچاسكەلىك كوميسسيانىڭ توراعاسى جانات قايىروۆتىڭ ايتۋىنا قاراعاندا، مۇندا 271 سايلاۋشى تىركەلگەن. تاڭعى توعىزعا دەيىن 95 ادام داۋىس بەرىپ ۇلگەردى. باقىلاۋشىلار تاراپىنان ەشبىر ەسكەرتۋ ورىن العان جوق.  

سوڭعى جاڭالىقتار

استانادا «ۆaitursynuly.kz» سايتىنىڭ تۇساۋكەسەرى ءوتتى

احمەت بايتۇرسىن ۇلى • 03 اقپان، 2023

ۇقساس جاڭالىقتار