فەستيۆالگە قاتىسۋعا ەلوردالىق جوعارى وقۋ ورىندارىنىڭ وكىلدەرى اراسىنان بارلىعى 14 كوماندا ءوتىنىم بەرگەن.
ستۋدەنتتەر 10 نوميناتسيا بويىنشا باق سىناستى. ولار وزدەرىنىڭ قابىلەتتەرىن بي, ۆوكال, پوەزيا, مۋزىكا, بەينەلەۋ جانە تەاتر ونەرىندە, سونداي-اق ينتەللەكتۋالدى ۆيكتورينادا كورسەتتى. قاتىسۋشىلاردىڭ ونەرىن ونەر جانە مادەنيەت قايراتكەرلەرى, ەلىمىزدىڭ ەڭبەك سىڭىرگەن ارتىستەرى, كاسىبي حورەوگرافتار مەن ۆيدەوگرافتار باعالادى.
فەستيۆالدىڭ سالتاناتتى جابىلۋىندا قالا اكىمىنىڭ ورىنباسارى ەسەت بايكەن بايقاۋدىڭ ەرەكشەلىگى ەلوردانىڭ بارلىق جوعارى وقۋ ورىندارىنىڭ قاتىسۋىندا ەكەنىن اتاپ ءوتتى. ونىڭ ايتۋىنشا, بۇگىندە استانانىڭ ۋنيۆەرسيتەتتەرى مەن كوللەدجدەرىندە 62 مىڭنان استام ستۋدەنت وقيدى, جىل سايىن وزگە قالالاردان كەلەتىن تالاپكەرلەردىڭ ارتۋى بايقالادى.
«بۇگىندە ەلوردانى ەلدىڭ اكىمشىلىك-ساياسي ورتالىعى عانا ەمەس, كاسىپكەرلەر مەن جاستار قالاسى دەپ تە اتاۋعا بولادى. نەگىزگى سەبەپ - جاستاردى قولدايتىن مەملەكەتتىك باعدارلامالاردى ىسكە اسىرۋ جانە وقۋ ورىندارىنىڭ ءبىلىم بەرۋ ساپاسى. جالپى, بۇل فەستيۆال قازىرگى ۋاقىتتا شىعارماشىلىق الەۋەتتى ىسكە اسىرۋ, جاڭا تانىستار تابۋ جانە جاستار اراسىندا مادەني ورتانى قالىپتاستىرۋ ءۇشىن تولىققاندى الاڭعا اينالدى», دەدى اكىم ورىنباسارى.
بايقاۋ جەڭىمپازدارىنىڭ ءبىرى قازاق ۇلتتىق ونەر ۋنيۆەرسيتەتىنىڭ ستۋدەنتى جانتاس ەركىن ۇلى بولدى. تاۋەلسىزدىك تاقىرىبى ونى ەرەكشە شابىتتاندىرىپتى. جاس اقىن ءوز ولەڭىندە وتانعا دەگەن سۇيىسپەنشىلىك تۋرالى ايتىپ, قازاقستاندىقتاردى پاتريوتيزمگە شاقىردى.
سونداي-اق, «تۇران» ۋنيۆەرسيتەتىنىڭ ستۋدەنتى كارينا مينيالو بايقاۋعا دايىندىعى تۋرالى ەستەلىكتەرىمەن ءبولىستى.
ء«بىز «ۇلتتىق بي» نوميناتسياسىنا قاتىسىپ, شەشەن حالقىنىڭ ءبيىن دايىندادىق. كوپشىلىكتىڭ ەسىندە قالاتىن ونەر كورسەتكىمىز كەلدى. مەنىڭ ويىمشا, بۇل بايقاۋ تالانتتاردى اشۋعا كومەكتەسەدى. ارينە ەكىنشى ورىن العانىمىزعا قاتتى قۋانىپ وتىرمىز, دەدى «يمان» ءانسامبلىنىڭ مۇشەسى كارينا مينيايلو.
