قازان ايىندا ءبىرىنشى ساناتتاعى جۇمىرتقانىڭ باعاسى 6,3 پايىزعا, ال بيىلعى جىل بويىنشا14,8 پايىزعا ءوستى.
ءبىر ايدا باعانىڭ ەڭ كوپ ءوسۋى ۇلىتاۋ (19,8 پايىز), پاۆلودار (14,7 پايىز) جانە قىزىلوردا (13,6 پايىز) وبلىستارىندا بايقالدى. ال ەڭ از كورسەتكىش الماتى وبلىسىندا (0,4 پايىز) بايقالعان.
جىل ىشىندە جۇمىرتقا باعاسىنىڭ ايتارلىقتاي ءوسۋى قىزىلوردا وبلىسىندا (52,2 پايىز) بايقالادى. ودان كەيىنگى ورىندا قوستاناي (34,1 پايىز). الماتىدا باعا كەرىسىنشە 4 پايىزعا تومەندەپتى.
جىل باسىنان بەرى ەلىمىزدە 3,8 ميلليارد دانا جۇمىرتقا وندىرىلگەن. بۇل ءبىر جىل بۇرىنعىدان 5,3 پايىزعا ارتىق. ءوندىرىس كولەمى بويىنشا وبلىستار اراسىندا سولتۇستىك قازاقستان كوش باستاپ تۇر – 559,9 ملن دانا جۇمىرتقا.
رەسۋرستاردىڭ 3,7 پايىزىن يمپورت قۇرادى. جىل باسىنان بەرى ەلگە 130,8 ميلليون دانا جۇمىرتقا اكەلىندى. بۇل رەتتە ەكسپورت, كەرىسىنشە, 2,2 ەسەگە ءوسىپ, 184,5 ملن دانا جۇمىرتقانى قۇرادى.
