16 قاراشادا ءتورت ناۋقاس جەدەل جاردەم كولىگىمەن №1 كوپسالالى قالالىق اۋرۋحاناعا جەتكىزىلدى. ءورت ءسوندىرۋشى 1994 جىلى تۋعان اسقار زابيكۋلين قازىر جانساقتاۋ بولىمىندە جاتىر. ول 3-دارەجەلى كۇيىك العان. جاعدايى وتە اۋىر.
№10 ءورت ءسوندىرۋ ءبولىمىنىڭ كومانديرى, 1988 جىلى تۋعان كەمپىروۆ اياننىڭ جاعدايى ورتاشا.
«ەكى ناۋقاس توكسيكولوگيا بولىمىندە ەم قابىلداپ جاتىر. ەكەۋىنىڭ دە جاعدايى ورتاشا اۋىر. جاعدايلارى جاقساردى», دەپ حابارلادى استانا قالالىق قوعامدىق دەنساۋلىق ساقتاۋ باسقارماسى.
ەسكە سالا كەتەيىك, كەشە «قاھارمان» تۇرعىن ءۇي كەشەنىندە 11-قاباتتاعى پاتەردەن ءورت شىقتى. ءورت سوندىرۋشىلەر بەس ادامدى, ونىڭ ىشىندە ءبىر بالانى قۇتقارىپ, ون ادامدى قاۋىپسىز جەرگە كوشىردى.
