عىلىم-ءبىلىم سالاسى وكىلدەرىمەن كەزدەستى

قازاق ءتىل عىلىمىنىڭ قارا شاڭىراعى – احمەت بايتۇرسىن ۇلى اتىنداعى ءتىل ءبىلىمى ينستيتۋتىنا ارنايى كەلگەن مينيستر كارتوتەكا قورى، كىتاپحانامەن جۇمىسىمەن تانىستى.

ينستيتۋت عالىمدارىنىڭ قا­جىرلى ەڭبەگىنە توقتالىپ، ءتىل­تانۋشى عالىمدارعا قولداۋ قاجەت­تى­گىن اتاپ ءوتتى. ينستيتۋت ديرەكتورى انار فازىلجان ۇجىم تۋرالى، اتقارىلىپ جاتقان جۇمىستار بارىسىنان بايانداپ، جاڭا ءالىپبي نەگىزىندەگى قازاق ءتىلىنىڭ ۇلكەن تۇ­سىندىرمە سوزدىگىنىڭ ماڭىزىنا توقتالدى. مينيستر وسى ساپارى اياسىندا «قازاق ونوماستيكاسىنىڭ وچەركتەرى»، «تۇركى ونوماستيكاسى»، 10 تومدىق «قازاق ءتىلىنىڭ تۇسىندىرمە سوزدىگى» ىرگەلى ەڭبەكتەرىنىڭ اۆتورى، فيلولوگيا عىلىمدارىنىڭ دوكتورى، پروفەسسور، گۋمانيتارلىق عىلىم اكادەمياسىنىڭ اكادەميگى تەلعوجا جانۇزاققا پرەزيدەنت جار­لىعىمەن بەرىلگەن «پاراسات» وردەنىن تابىستادى.

س.نۇربەك قاراشاڭىراق قازۇۋ-نى دا اينالىپ وتپەدى. قالا­شىق­تا­عى  كۇردەلى جوندەۋدەن وتكەن №10 جاتاقحانانىڭ اشىلۋىنا قا­تىسىپ،  ستۋدەنتتەردىڭ الەۋمەتتىك جاعدايىمەن تانىستى.

ءال-فارابي اتىنداعى قازۇۋ باسقارما توراعاسى-رەكتور جانسەيىت تۇيمەباەۆ مەملەكەت باسشىسىنىڭ جاتاقحانا تاپشى­لى­عىن شەشۋ تاپسىرمالارىنا سايكەس اتقارىلعان جۇمىستارمەن تانىستىرىپ، الداعى ۋاقىتتا دا جاتاقحانالارعا كۇردەلى جوندەۋ جۇمىستارىنىڭ جالعاسىن تاباتىنىن اتاپ ءوتىپ، ورىن سانىن 2 مىڭعا كوبەيتۋ جوسپارلانىپ وتىر­عانىن جەتكىزدى. جوندەۋ كە­زىندە عيماراتتىڭ سىرتقى قاسبەتى جاڭارتىلىپ، بارلىق بولمەنىڭ قا­بىرعالارى قايتا ارلەندى. ەسىك-تەرەزە اۋىستىرىلىپ، ءار سەك­تسياعا زاماناۋي دۋش كابينالارى قويىلدى. ەلەكتر جۇيەسى قايتا جۇرگىزىلىپ، جارىق بەرۋشى شامدار جاڭادان ورناتىلدى. بۇعان قوسىمشا، عيماراتتىڭ cۋ قۇبىرى مەن كارىز جۇيەسى مونتاجدالدى. 313 ورىندىق جاتاقحاناعا تاريح فاكۋلتەتىمەن قاتار، حيميا جانە حيميالىق تەحنولوگيالار فاكۋلتەتى مەن فيزيكا-تەحنيكالىق فاكۋلتەتىنىڭ ستۋدەنتتەرى ورنالاستى.

مينيستر سونىمەن قاتار اباي اتىنداعى قازۇپۋ-دا اباي ستۋ­دەنتتىك ورتالىعىنىڭ سالتا­ناتتى اشىلۋىنا قاتىسىپ، ستۋدەنت­تەر­دى ەڭ باتىل يدەيالاردى جۇزەگە اسى­رۋعا، قىزىقتى جوبالار مەن ستارتاپتاردى دامىتۋعا ىقپال ەتە­تىن جاڭا ورتالىقتىڭ اشىلۋىمەن قۇت­تىقتادى.

Abai Student Center جالپى ءبىلىم بەرۋ سالاسىن دامىتۋعا قىز­مەت ەتەدى ءارى وزگە وقۋ ورىندا­رىنا جارقىن ۇلگى بولاتىنى ءسوزسىز. بۇل ورتالىق ەل پرەزيدەنتى قويعان مىن­دەت­تەردى جۇزەگە اسىرۋعا ىقپال ەتەدى. بەلگىلى پەداگوگ-عالىم­نىڭ ۇلى بوريس ۋمانوۆ اباي اتىنداعى قازۇپۋ-دىڭ دامۋى مەن ەلىمىزدىڭ پەداگوگيكالىق ءبىلىمىنىڭ قالىپتاسۋىنا زور ۇلەس قوسقان زاماناۋي قازاقستاندىق پەداگوگيكانىڭ نەگىزىن قالاۋشىلاردىڭ ءبىرى گريگوري ابراموۆيچ ۋمانوۆتىڭ قۇرمەتىنە Abai Student Center قۇرۋعا دەمەۋشى بولا وتىرىپ، ستۋدەنتتەرگە ۇلكەن قولداۋ كورسەتتى»، دەدى مينيستر.

ۋنيۆەرسيتەت رەكتورى دارحان ءبىلالوۆ ستۋدەنتتەردىڭ ساپالى ءبى­لىم الۋى مەن وقىتۋشىلاردىڭ ىڭ­عايلى جۇمىس ىستەۋى ءۇشىن بارلىق جاعداي جاسالعانىن اتاپ ءوتىپ، ات­قا­رىلعان جۇمىستار بارىسىمەن تانىستىردى.

زاماناۋي قۇرال-جابدىقتارمەن جانە قاجەتتى ماتەريالدارمەن جاب­دىق­تالعان ستۋدەنتتىك ورتالىقتا كوۆوركينگ-ورتالىق، پىكىرسايىس جانە ۋنيۆەرسيتەت كلۋبتارى (26 كلۋب بار) جۇمىس ىستەيدى. مۋزىكا بولمەسى، پسيحولوگيالىق كومەك كورسەتۋ، «جاس اقىندار» ورتالىعى بار. وقۋ اۋديتورياسى زاما­­ناۋي جيھازدارمەن جانە DigiTouch ۆۆ-86 ينتەراكتيۆتى پانەلىمەن جابدىقتالعان.

الماتى