– قازاقستان كرەاتيۆتى يندۋستريا سالاسىندا الدىڭعى قاتارعا شىققانىنا وتە قۋانىشتىمىن. بۇل تۇرعىدا قازاقستان تۋرالى وڭ پىكىرلەر ايتىلا باستادى. وسىنداعى ازاماتتار بۇعان زور ەڭبەك ءسىڭىردى. سىزدەرگە شىن جۇرەكتەن ريزاشىلىعىمدى بىلدىرەمىن, - دەدى مەملەكەت باسشىسى.
قاسىم-جومارت توقاەۆقا مەگاپوليستە قانداي ستارتاپ-جوبالار جۇزەگە اسىرىلىپ جاتقانى جانە جاساندى ينتەللەكتىنى بيزنەستە پايدالانۋ قانشالىقتى ءتيىمدى ەكەنى ايتىلدى. مەملەكەت باسشىسىنا الماتىدا عانا ەمەس, بۇكىل ەلىمىزدە كرەاتيۆتى يندۋستريانى دامىتۋدىڭ نەگىزگى پەرسپەكتيۆالارى تانىستىرىلدى. پرەزيدەنت جاس مامانداردىڭ وسى سالاداعى جەتىستىكتەرىن جوعارى باعالادى. سونداي-اق بۇگىندە كرەاتيۆتى سەكتوردى قولداۋ مەملەكەتتىڭ ماڭىزدى مىندەتتەرىنىڭ ءبىرى ەكەنىن جەتكىزدى. مەملەكەت باسشىسى كەزدەسۋگە قاتىسۋشىلاردىڭ باستامالارىنا تابىس تىلەدى.
