ولگا پەرەپەچينا ءوز سوزىندە رۋمىنيا قازاقستاننىڭ ماڭىزدى ارىپتەسى ەكەنىن ايتا كەلىپ, استانا مەن بۋحارەست اراسىنداعى ءوزارا ءتيىمدى قارىم-قاتىناستاردى نىعايتۋعا مەملەكەت باسشىسى قاسىم-جومارت توقاەۆ ەرەكشە نازار اۋدارىپ كەلە جاتقانىن اتاپ ءوتتى.
ء«بىزدىڭ ەلدەرىمىزدىڭ ءوزارا ءتيىمدى ىنتىماقتاستىق جونىندەگى كۇن ءتارتىبىن پارلامەنتتەردىڭ بايلانىسى بويىنشا دا قولداۋ جانە ىلگەرىلەتۋ قاجەت دەپ سانايمىز. سەنات پەن ماجىلىستە رۋمىنيامەن ىنتىماقتاستىق جونىندەگى توپتار جۇمىس ىستەپ كەلەدى. ءبىز سونداي-اق حالىقارالىق پارلامەنتتىك الاڭداردا, ەقىۇ پارلامەنتتىك اسسامبلەياسى, ەۋروپا كەڭەسىنىڭ پارلامەنتتىك اسسامبلەياسى جانە پارلامەنتارالىق وداق اياسىندا بىرگە رۋمىندىق ارىپتەستەرمەن جۇمىس بايلانىستارىن ورناتۋعا مۇددەلىمىز», دەپ اتاپ ءوتتى توراعا ورىنباسارى.
ولگا پەرەپەچينا سونىمەن قاتار اۋقىمدى ىشكى ساياسي وزگەرىستەر اياسىندا وتكەلى جاتقان قازاقستان رەسپۋبليكاسى پرەزيدەنتىنىڭ الداعى سايلاۋى تۋرالى مەيمانعا ايتىپ بەردى.
يۋليان فوتا ءوز كەزەگىندە رۋمىنيا قازاقستانمەن ىنتىماقتاستىقتى جوعارى باعالايتىنىن, سونداي-اق ەكىجاقتى قارىم-قاتىناستاردى نىعايتۋعا بەلسەندى ىقپال ەتۋگە دايىن ەكەنىن اتاپ ءوتتى.
