«بۇل تۇرعىن ءۇي كەشەنىن جىلۋ جۇيەسىنە قوسۋ قۇرىلىس كومپانياسىنا جۇكتەلگەن. GPark جىلۋ ماگيسترالىن سالۋ ارقىلى ءۇيدى جىلۋمەن جابدىقتاۋعا قوسۋى كەرەك ەدى. بىراق قۇرىلىس كومپانياسى سالىپ جاتقان جىلۋ ماگيسترالى ءالى دايىن ەمەس», دەپ حابارلادى استانا اكىمدىگىنىڭ ءباسپاسوز قىزمەتى.
بۇعان دەيىن «ادىلدىك جولى» قوعامدىق بىرلەستىگىنىڭ ديرەكتورى ديدار سماعۇلوۆ الەۋمەتتىك جەلىدە استاناداعى «مادريد» تۇرعىن ءۇي كەشەنىنىڭ تۇرعىندارى ۇيلەرىندە جىلۋ مەن ىستىق سۋدى قوسۋدى تالاپ ەتىپ جاتقانىن ايتقان بولاتىن. ولار نارازىلىق رەتىندە جولداردى جابۋدى جوسپارلاعان.
اكىمدىك «GPark» كومپانياسى ءۇيدى التەرناتيۆتى جولدار ارقىلى جىلۋ جۇيەسىنە قوسۋدى جوسپارلاپ وتىر دەپ جاۋاپ بەردى. بۇگىندە قۇرىلىس كومپانياسىنا بۇل ماسەلەنى جەدەل شەشۋ تاپسىرىلدى.
